28. In Illatione BMV.

In 1. V esperi s.
Antiphonae.

1. Docet Deum collaudare
Mariam mox infantem,
Qui sterilem habitare
In domo dat laetantem.
2. Per quam misericordia
Est Domini firmata,
Annorum per exordia
Fit Deo dedicata.
3. Deus tuus in saeculum
Hoc, Sion qui regnabit,
Virginitatis speculum
Illaesum conservabit,
4. Novam Deus aedificat
Jerusalem in caelis,
Dispersos dum laetificat
Filios Israelis.
5. Seras Sion confortavit
Deus tunc portarum,
Dum in templo acceptavit
Munus tam praeclarum.
R. Matris lac dum sugere
Infantula jam cesset,
Mundum coepit fugere,

Triennisque cum esset,
Ut ejus conversatio

Sic tota sit in caelis,
Quo mira salutatio
Procedit Gabrielis:
V. ''Ave, Maria, gratia plena,
Dominus tecum.''

Ad Magnificat

Virgo templum intrando

Tunc angelos laetificat,
In Deum exsultando

Post cecinit Magnificat ;
Qui ipsam praemiando

Aeterne beatificat,
Pro nobis exorando

Iratum nunc laetificat.

Ad Completorium.
Ad Nunc dimittis.

A. Haec virginis illatio

Dei templum intrantis
Est lucis revelatio

Perpetuo micantis,
Quae nostrae sit dotatio

Animae commigrantis,
Ex hujus mundi spatio

Ad caelum evolantis.

Ad Matutinum.
Imitatorium.

In honore Mariae,

In templo praesentatae

Virginis, in hac die
Domino jubilate.

In 1. Noctum o.

Antiphonae.

1. Templum adornavit

Prae cunctis precedentibus
Virgo, dum intravit
Electis cum parentibus.

2. A templo quod fundatum
Est a rege Salomone,
Sic nec fuit adornatum
Templum illa ratione.
3. Humiliter orabant,

Dum virginem praenohilem
Parentes praesentabant,
Templo in Hierusalem.

Responsoria.

1. Nova haec oblatio
Prioris aevi spatio,

Qua nihil fuit gratius,
In templo praesentata,
Caritate inflammata
Odorem spargit latius,
V. Quantum fas credi est,

deitas hanc tota refudit.

2. Margaritum praepolitum
Adaptatur applicatur

Summum per artificem,
Quo structura est futura,
Quae non perit, quia gerit

Omnium opificem ;
V. Haec est, quam caeli

victor Deus intus et extra
Pinxit et angelica

cote polivit eam.

3. Quam praeclare conservare
Integritatis speculum
Voto vovit, quod non novit
Antecedens saeculum,
V. Angelicae lucis

speculum decor ejus obum-
brat
Et quasi praefulget
omne decoris ebur.

In 2. No cturno.
Antiplionae.

1. Adducentur summo regi
Cum exsultatione
Virgines in matris Dei
Hac praesentatione.
2. Inclita Sion filia

Divitias cumulavit
Et virginum tot milia
Haec sola superavit.
3. Nam in gazopbylacium

Fert munus praeoptatum,
Quo miseris solatium
Divinitus est datum.

Responsorin

1. Benedicta, quae, delicta
Quia nescit, conquiescit

Dilecti sub umbraculo,
Est sopita, unde vita,
Quae recessit, nunc accessit
In Dei tabernaculo.
V. ''Quam dilecta tabernacula tua,
Domine virtutum, concupiscit
ca anima mea.''

2. Incorrupta et innupta
Joseph viro modo miro

Haec virgo desponsatur,
Ipsi soli, a quo poli
Innectuntur et reguntur

Illaesa conservatur.
V. O castae matris

felix dignatio, sese
Terris inclinat

hac mediante polus.
3. Anna, gaude, Joachim, plaude,
Sint cognati Deo grati

Virginique tantae,
Nam huic soli vestrae proli
Nulla talis est aequalis

Reperta post et ante.
V. In titulo ejus

citharizent omnia caeli
Organa, caelestis

musica ludet ei.

In 3. Nocturno.
Antiplionae.

1. Est virgo aeternaliter
A Deo praedestinata
Hodie temporaliter

Hoc in templo praesentata.
2. Ut semper et totum
Sit Deo mancipatum,
Est hoc virginis votum
Caelitus dedicatum.

3. Haec homimum adspectibus
Licet virgo auferatur,
Virtutum in profectibus
Cum angelis conversatur.

Responsoria.

1. Joachim justus parens,
Cum prole foret carens,

Per Isachar pontificem
In templo est despectus,
A Deo sed electus,

Nunc fructum fert multipli-
cem.

V. Anna sancta peperit
Natam sanctiorem,
Sed nata de se genuit
Omnibus majorem.

2. Infertur annis teneris,
Quo fiat cuncti generis

Virtutibus imbuta,
Temporis curriculo
Dei adminiculo

Literas adsecuta.
V. Haec est, quae complevit

Prophetiae veritatem
Omnemque delevit

[Peccati] pravitatem.

3. In scripturis sub figuris
Percunctatur ac miratur

Virginem parituram,
De quo certa, mox experta,
Dum consensit, intus sensit

Se Deum genituram.
V. Quomodo fiet, inquiens,

Cum virum non cognoverim,
Sed Deo pare serviens

Castitatem voverim.

In Laudibus.

Antiphonae.

1. In templo praesentatur
Induta jam decore,
Quo ejus collocatur
Nunc sedes in honore.

2. Salutis sunt initia

In templo praelibata,
Cum Deo in laetitia
Haec servit illibata.

3. Ad te de luce vigilat
Stella matutina,
Maria, quae nos dirigat
Servans a ruina,

4. Benedicite Domini,

Tot virgines et tantae,
Conjunctus qui est homini
Virgine mediante.

5. Laudet omnis creatura
Deum indefessa,
Cum mater Dei futura
Templum est ingressa.

Ad Benedictus.

A. Virgo in castitate
Et munditia

Hoc in templo habitavit,
Ubi in sanctitate
Et justitia

Coram ipso ministravit,
Quae in necessitate
Et tristitia

Nunc sedentes relevavit,
Dum plena veritate
Atque gratia

Nobis viam generavit.

In 2. Vesperis.
Ad Magnificat.

A. Qui exaltasti humiles

Deponisque potentes,
Nos miseros et fragiles

Humiliter poscentes
Mariae pro clementia

Misericors exaudi,
Ut tua in praesentia

Caeli jungamur laudi.