42. De Compassione BMV.

In 1. Vesperis.
Antiphonae.

1. Eja, nunc fideles Christi,
Patris verbo, matri tristi

Laudes decantemus,
Pia mente revolventes
Horum poenas et colentes

Supplices laudemus.
2. Maria Jesum detulit,
In templo ipsum obtulit,

Quis potest haec concipere ''?
''Senex divino opere
Venit ad templum propere

Ulnis Jesum suscipere.
3. Simeon tunc prophetavit,
Dolenti matri indicavit

Futuram miseriam,
Tunc cor ejus vulneratur.
Supra modum anxiatur

Sentiens angustiam.
4. In Aegyptum, o Maria,
Transfers Jesum maesta via,

Dum angelus per somnium
Joseph sponsum admoneret,
Rex Herodes ne deleret

Salvatorem omnium.

5. Jesum amisit triduo
Mater dolore nimio,

Hinc ipsum requirebat,
Virgo tunc intravit templum,
Multis exstans in exemplum

Matri surgens parcebat.

Ad Magnificat.

A. Non me formosam

Noemi, sed dicite Maram,
Namque dolore meum

Dominus cor valde replevit,
Factaque septena

gladii sum pervia poena ;
Ecce, tuam ipsius

gladius pertransiet, inquit,
Sanctam animam, Simeon

in templo, virgo Maria.

Ad Matutinum.
Invitatorium.

Christum dolentem
Et matrem maerentem,
Venite, adoremus.

Ad No cturnum.
Antiphonae.

1. Jesus dum nocte capitur,
Ut latro ferox rapitur,
Cor matris laceratur,
Vellunt, pellunt atrocius,
Mactant. tractant ferocius,
Maria vulneratur.
2. Verberabant divas genas
Et colaphizantes poenas
Infligunt atrocissime;
Tacet mater, dulcis natus
Quamquam male sit tractatus,
Ferebat haec maestissime.
3. Maxilla pugno caeditur,
Nec Annas mente laeditur,

Compatitur Maria;
Ad Caipham deducitur,
A longe Petrus sequitur
Gemente matre pia.

Responsoria.
1. En, pastor dum invaditur,
A Juda lupis traditur,
Ovesque fuga labant,
O virgo, tunc anxietas
Doloris et nimietas
Cor tuum perforabant.
V. ''Torcular calcavi solus, et de
qentibas nun erat vir mecum.
''2. O mater, das suspiria,
Affligunt cor martyria,

Dum proditur sic Jesus,
Ducitur vinctus fortiter
Foedos ac sputus viliter,
Atrociter est caesus.
V. ''Faciem ineam non averti ab
increpantibus et conspuenti-
bus in me.''

3. Ter voces Petri illum negant,
Testesque falsa, heus, alle-
gant,
Quae ipse fert humiliter,
Per Deum pontifex adjurat,
Nil tuum natum, mater, curat,
Sed tractant eum viliter.

V. ''Coryus meum dedi percutien-
tibus et genas meas vellenti-
bus.''

Ad Laudes.
Antiphonae.

1, Jesus Pilato traditur,
Quis videns non turbabitur,

Justus dum accusatur ?
Herode lusus spernitur,
Tractus in terra sternitur,

Sic virgo desolatur.

2. Flagellis saeve caeditur,
Caput corona laeditur,

Jesum ut stultum rident,
Cum a praetore educitur
Et "ecce homo dicitur,

Tunc matrem fientem vident.

3. Vestimentis spoliatur,
Cruci nudus aeclavatur

In monte, heu, Calvariae;
Crucifixum adspexisti,
Tuum natum dum scivisti

Torqueri, mater, varie.

4. Juxta crucem stantem
Te nobis dat genetricem,
Dum dixit Jesus:
Filius, ecce, tuus ;
Hinc in discipulo:
En, tua mater.

5. Heli, linquis me? clamavit,
Sitim grandem intimavit,

Completa dicens singulas
Quantus dolor te intravit,
Dum Jesum poena cruciavit,
Mater, non dicet Ungula.

Ad Benedictus.
A. Cor matris perforatur,
A sene prophetatur,
In Aegyptum fugatur,
Amissus quaeritatur,
Sub cruce oneratur,
Mater defiliatur,

In sinum collocatur,
Sepulchro commendatur ;
Virginis hi septem

matris sunt, ecce, dolores.

In 2. Vesperis.
Antiphonae.

1. Jesus dum cruce moritur,
Astris eclipsis oritur,

Discissa petra tremuit,
Jam templi velum scinditur,
Styx ululat, dum finditur,

Dolens pater ingemuit.

2. Miles videns tanta signa,
Verba profert laude digna:

Hic est Dei filius ;
Assistentes haec videntes
Suum pectus tunc tundentes,

Plangit mater tristius.

3. Inde milites venerunt,
Crura latronum fregerunt,

Parcunt Jesu cruribus,
Quia mortuum viderunt,
Os sic non comminuerunt,

Dolet mater pluribus.

4. Manus militis extenta
Nova praestat sacramenta

Lancea aperiens
Latus Christi, sanguis fluit,
Aqua, sic lex vetus ruit,

Virgo fit ut pariens.

5. Joseph adiit Pilatum,
Corpus Jesu impetratum

Patibulo deposuit,
Ipsum mater lacrimando,
Dolorose osculando
Super sinum posuit.