9. De Corona Spinea.

In 1. Vesperis.
Super Psalmos.

A. Adsunt dominici
Serti selemnia,
Laude multiplici
Plaudat ecclesia.

Ad Magnificat.

A. Ave spina,

poenae remedium,
Servi decus,

regis opprobrium,
Tua plaga,

dolor, ludibrium
Vitae nobis

mercantur praemium.

Ad Matutinum.

Iuvitatorium.

Honorati dote bona
Adoremus mente prona
Regem Christum in corona,
Quam Judaea texuit.

In 1. Nocturno.
Antiplionae.

1. Veneremur bonum Deum
Et colamus votis eum,
Qui gentilem et Judaeum
Spinis septus redimit.

2. O quam acetosa vitis,
De qua bibit Jesus mitis,
Agnus Dei expers litis,
Cum sic punctus exstitit.

3. Ergo regem, quem amamus,
Coronatum collaudamus
Et coronam praedicamus
Super opes regias.
4. In bis spinis suspiremus,
His nos rosis coronemus,
Et sub istis computemus
Sentibus delicias.
5. Benedictus omnis erit,
Qui has spinas corde gerit,
Nam in ipsis Deus serit
Fructum centenarium.
6. O fertilem agrum multum
Et divina manu cultura,
De quo surgit hoc virgultum
Ante regis solium.

Responsoria.

1. Adest sacra lux diei,
Qua coronae nostri Dei

Agitur memoria,
Respiremus omnes rei,
Hinc cantemus omnes ei,
Qui regnat in gloria.
V. Coronastis hunc, Judaei,
Ejus dantes faciei
Alapas, gens impia.
2. Corona interrasilis

Mensae labio ponitur,
Quia corona spinea

In caput Jesu plectitur,
Et altera coronula
Altior ei additur.
V. Agno pro nobis mortuo,
Qui a Johanne cernitur,
Omnis corona merito
A senibus submittitur.

3. Spina carens

flos spina pungitur,
Per quam culpae

spina confringitur,
Spina mortis

spina retunditur,
Dum vita mundi

sub spina moritur.
V. Per hoc ludibrium

Hostis deluditur,
Mortis dominium

Per mortem tollitur.

4. Novus homo, rex antiquus,
Ut nos ditet, fit mendicus,

Expertus ludibrium,
Sic probatur ut amicus,
Jesus dulcis fit pudicus
Inter spinas lilium.
V. Jam de spinis legit ficus
Non Judaeus inimicus,
Sed fides credentium.

In 2. Nocturno.
Antiphonae.

1. Synagoga, retro abi
Ficte dicens: ave, rabbi,
Ex hoc scias, a te labi
Regnum et imperium.

2. Dum Judaei genu flectunt
Et milites spinas plectunt,
Vincla mortis sibi nectunt
Ad salutem gentium.

3. O quis furor militum,
Qui sic caput inclitum
Premunt per circuitum
Spinis et flagellis.

4. O quam digne genitum,
Quam abjecte traditum,
Dum emisit spiritum
Sumpto potu fellis.

5. Hierusalem trux alumna,
Jesum figens in columna,
Conversa es in aerumna,
Dum spina confringitur.

6. Pendet cruci in deserto
Coronatus serpens serto,
Quem qui videt in aperto,
Non serpente laeditur.

Responsoria.

1. Futurorum pontifex

Christus est bonorum,
Qui a spinis transiens

In sancta sanctorum
Certantis ecclesiae

Meritis justorum
Mitra sui capitis

Decoravit chorum.
V. Nimis ergo placeat

mentibus piorum
Tam excellens gratia,

munus tam decorum.

2. Exit Jesus flagellatus
Et probrose coronatus

De spinarum stimulis,
Pergit sputis deturpatus
Et confuse purpuratus
Reverendus angelis.
V. Patet in hoc principatus
Mundi hujus et ornatus
Esse contemptibilis.

3. O benignus o suavis,
O dulcior cunctis favis,
Qui cum esset ab ignavis
Punctus spinis, fixus clavis,
His ignosci supplicat.
V. Licet dolor esset gravis,
Tamen bona reddens pravis
Pietatem duplicat.

4. Quod ligatur puer risus,
Quod offertur vervex visus

Adhaerere vepribus,
Hoc praesignat, quod occisus
Noster Jesus est concisus
Spinis se pungentibus.
V. Christo puncto compugantur
Et dulcibus perfundantur
Christiani fletibus.

In 3. Nocturno.

Ad Cantica.

A. Jam concrepent organa
Sponso dulcis musicae,

Sponsa terris orphana
Coronatur mystice

De capite Amana
Et de Sair vertice,

Responsoria.

1. Flos de spina nascitur,

Quem spina compunxerat,

Sed se pungi tolerat,
Dum sub spina moritur,

Solvens, quod non tulerat,

Nos a spina liberat,
Punctura dum pungitur,
V. Dum corona plectitur,

Quam rex mundi deferat,
A quo mundus tegitur.
2. Coronat regem omnium

Judaea serto spineo,
Stat inter spinas lilium

Vernans cruore roseo,
Spinarum culpae nescium,

Spinae punctum aculeo,
V. Sub decore

fulget purpureo
Corpus nitens

candore niveo.
3. O regem coeli benignum,
Qui per crucis regnans lignum
Ob amoris grande signum
De corona sua dignum

Munus dat ecclesiaej
V. Gens fidelis, satis gaude,
Et honores omni laude

Regem regum hodie.
4. Felix spina,

cujus aculei
Guttis iubent

roris sanguinei,
Vires frangunt

regis tartarei,
Seras pandunt

regni siderei.

V. O spinarum

immensa gloria,
Quae tot nobis
praestant remedia.

In Laudibus.
Antiphonae.

1. Adest dies laetitiae,

Quo diadema spineum
Commendatur memoriae
Christi cruore roseum.
2. Summum regem gloriae
Spinis coronatum
Ridet plebs peifidiae
Morti condemnatum.

3. O quam felix punctio,
Quam beata spina,
De qua fluit unctio,
Mundi medicina.
4. Pungens spina vulnerat
Christum patientem
Et a morte liberat
Populum credentem.
5. Christo sub serto spineo
Illudunt gentes impiae,
Cujus cruore roseo

Sertum confertur gloriae

Ad Benedictus.

A. Exultemus omnes chori,
Laudes demus salvatori,

Qui per spinas floruit,
Commendemus nos pastori,
Qui pro suo grege mori

Tam dignanter voluit ;
Nunquam satis est amatus,
Qui tot spinis laceratus,

A morte nos exuit.

Per Horas.

Ad Primam.

A. Gaude, felix

mater ecclesia,
Adsunt tibi
nova solemnia,

Nam corona

quondam ingloria
Nunc per orbem

refulget gloria.

Ad Tertiam.

A. Adsunt dominici
Sorti solemnia,
Laude multiplici
Plaudat ecclesia.

Ad Sextam.

A. Sexto die facti sumus,

Cum in Adam crevit humus,
Et hac hora cinxit dumus
Salvatoris verticem.

Ad Nonam.
A. Circa nonam Christos est
pro nobis occisus,
Et latroni datus est

fide paradisus,
Corona pro crimine
Et pro luctu risus.

In 2. Vesperis.
Ad Magnificat.
A. O decus ecclesiae,
Gloriosa spina,
Sertum regis gloriae,

Mundi medicina,
Praesentis angustiae
Dulcor et resina,
Te laudantes hodie
Serva a ruina.

10. De Corona Spinea.

In 1. Vesperis.
Ad Magnificat.
A. O Christo plebs dedita,
Tot Christi donis praedita,
Jucunderis hodie,
Tota sis devota,
Erumpens in jubilum
Depone mentis nubilum,
Tempus est laetitiae,
Cura sit semota ;
Ecce, crux et lancea,
Clavi, corona spinea,
Arma regis gloriae
Tibi commendantur,
Omnes terrae populi
Laudent auctorem saeculi,
Per quem tantis gratiae
Signis gloriatur.

A d Matutinum.
Invitatorium.

Regi, qui regit omnia,
Christo compatiamur,

Sacra cujus insignia
Devoti veneramur.

In 1. Nocturno.
Antiphona.

1. Vexilla regis gloriae
Jubilautis ecclesiae

Laudibus extollantur,
Per quem de mortis nexibus
Mortis confractis viribus

Fideles liberantur.

Responsoria.

1. Lux, ecce, surgit hodie
Magnae solemnitatis,
Laudum libantur hostiae

In ara puritatis,
Ne tantae dona gratiae
Auferantur ingratis.
V. Laete psallant ecclesiae
Laudantes regem gloriae
Pro donis sibi datis.
2. Dum leonis immanitas
Latet sub agni vellere,
In insontem atrocitas

Insanit prolis viperae,
Justi latus iniquitas
Letali fodit vulnere.
V. O mira ferri sanctitas,

Quod vibratur hoc latere,
Quo vulnerata caritas
Satisfecit pro scelere.

3. Christus in patris vinea
Pro nobis vapulavit,
Dum fructum gens erronea

Petitum denegavit,
Insontis latus lancea
Crudelis perforavit.
V. Felix cuspis est ferrea,
Qua confossus a framea
Fideles liberavit.

In 2. Nocturno.

Antiphona.

1. Carnis indutus trabea
Corona Christus spinea

Pro nobis coronatur,
Haec est praeclara galea,
Qua hostis horret framea

Et caedes hebetatur.

Responsoria.

1. Aeterni tabernaculi

Rex et redemptor saeculi

Vilescit insensatis,
Indutus forma servuli
Spinis coronant aemuli

Dominum majestatis ;

V. Haerent in carne stimuli

Spinarum, sordes populi

Fert liber a peccatis.

2. Occidentem

illustrat oriens
Verum solem

nobis adjiciens,
Spem vincendi,

coronam largiens.
V. Victor Christus

arma victoriae
Suae nobis

transmisit hodie.

3. De torrente

bibens miseriae
Exaltavit

caput rex gloriae
Coronatum

spinis angustiae.
V. Regnaturos

decet angustia,
Ut coronae

monet materia.

In 3. Nocturno.

Antipliona.

1. Cruci, coronae spineae
Sacroque ferro lanceae

Honorem impendamus,
Haec sunt vexilla regia,
Per quae coronae gaudia
Perpetuae speramus.

Responsoria.

1. Felix spina,

per cujus stimulum
Sanguis exit,

qui salvat populum,
Recolamus

agnum anniculum.
V. O quam felices

sunt istae spinae
Vernantes agni

roseo sanguine.

2. De coronis exodi
Mystice canamus,
Viam nostri commodi
Tropice pangamus,
Quorum sit memoria
Pro coronae gloria.
V. Nova lex praejudicat,
Transierunt vetera,
Spiritus vivificat,
Sed occidit litera.
3. Si virtutum gradus isti
Te sustollunt, miles Christi,

Te prudenter provehis,
Cor fidele, gaudeas
Et praemissis studeas
Coronari lanceis.
V. Arcam, mensam et altare
Debes in te deportare
Cum coronis aureis.

In Laudibus.
Antiphonae.

1. Spina pungens acumine,

Dum carnem Christi perforat,
Ejus nos rigat sanguine
Eique nos incorporat.
2. Spina, quae pupugerat
Patientem Dominum,
Poenitentes liberat
A punctura criminum.
3. Regis patientiam
Miles imitetur,
Ut per poenitentiam
Spinis coronetur.

4. Sacerdotes, sacerdoti
Summo benedicite
Et coronae sacrae doti
Vos haeredes subdite.

5. Te laudamus, Jesu bone,
Qui certantes in agone
Confortas ex munere,
Dum honorem das coronae,
Fac ex tua passione
Nos adversa vincere.

Ad Benedictus.

A. Tu, Christe, nostrum gaudium,
Adesto nostris precibus,
Qui cum sanctorum milibus

Veniens ad judicium
Apparebis in nubibus
Coronae cultoribus

Coronandorum praemium.

In 2. Vesperis.
Ad Magnificat.

A. O rex clementiae,

Salvator omnium,
Sola spes veniae

Post lapsum criminum,
Precamur hodie

Te sanctum Dominum,
Huic da familiae

Palmam certaminum,
Coronam gloriae

Post vitae terminum.