58. In Assumptione BMV.

In 1. Vesperis.

Antiphon ae.

1. Laetus plaudat

coetus ecclesiae,
Caelesti

congaudendo curiae,
Vitae generatrix

et gratiae
A morte

resurrexit hodie.

2. Haec est illa,

quae vitam peperit,
Per quam mundus

salutem reperit,
Mortis aculeus

qua deperit,
Mortem suae

carnis quae proterit.
3. Post hiemem

turtur insonuit,
Quando mortis

imber succubuit,
Qua corrumpi

virgo non potuit,
Quae Deum

incorrupta genuit.
4. Mater sancta,

vita viventium,
Per quam vita

vivit credentium,

Ades votis,

pia, fidelium,
Festis te

laudibus canentium.

5. Nunc resurgis

in carnis gloria,
In qua carnem

se fecit gratia,
Nos a culpis

obtenta venia
Tua resuscitet

potentia.

R. Conscendit ad

caeli palatia
De nostri

pulveris angustia
In virore

carnis floridula
Ut ex pigmentis

fumi virgula ;
V. Ascendit de

deserto saeculi
Ad ipsum usque

caput anguli.

Ad Magnificat.

A. Hodie refloruit
caro virginis
Labe superata
nostrae originis,

Transit saccus nostrae

vilitatis in gloriam
De squalore

terreno in laetitiam;
Matris in praemio

laudemus filium,
Simile sperantes

ab eo gaudium.

Ad Matutinum.

Invitatorium.

Filiae Sion, concurrite,
Laudare Deum accedite,
Festum in condensis agite,
Christi matrem canite,
Resurgenti choros ducite.

In 1. Nocturno.

Antiphcmae.

1. In terram nudo

grani jacto semine
Crescit laeta seges

ex tali germine,
Sic Mariae corpus

resurgit in gloriam
Mortalis casus

evincens tristitiam.
2. Quod homo seminat,

vitam non accipit,
Si non prius mortis

sinus hoc recipit ;
Jam de sinu mortis

virgo reducitur,
Quae vitam peperit,

qua mors emoritur.
3. Mors absorpta est

in Christi victoria,
Vitae mater in

vitae redit gaudia,
Surgit, quae dormit,

suscitante filio,
Fulget candens

aeternae lucis radio.

i. Post hiemem verni
flores dum rutilant,

Aves jam novo

tempori conjubilant,
Matri Christi turba

eoraplaudit caelica,
Dum pleno surgit

gaudio mirifica.
5. In spe sancta cujus

caro quieverat,
Humani generis

quae spem pepererat,
In rem spei suae

resurgit hodie
Augeantur laudes

adauctae gloriae.
6. Carnis corruptelam

ipsa non pertulit,
Mundi corruptelam

quae partu sustulit,
Nec in matrem

invaluit corruptio,
Quae vim suam

non tenuit in filio.

Responsoria.

1. Christus resurrexit,

primitiae dormientium,
Nobis reserans aditum

ad terram viventium,
Quo intemeratum

corpus transfertur hodie,
In quo carnem se

fecit rex gloriae.
V. Verbum caro factum est

de carne virginis,
Quae nunc renovatur

in decore luminis.
2. Virgo singulare

templum Deo et homini,
Exspectabat beatam spem

atque adventum Domini,
Venit ipse, qui venerat,

exsurgit, quae dormierat.
V. Resuscitavit

pater filium
Et matrem filius

in gaudium.

3. Hodie corpus

nostrae humilitatis
De terrenae surgens

sorde vilitatis
Reformatur et per

gratiam configuratur
De se nato corpori

divinae claritatis.
V. Sanctum est templum

tuum, Domine,
Mirabile

in aequitate.
4. Matrem Christi,

quam decuit sanctitudo,
In quam gratiae

descendit plenitudo,
Resurrectionis

ornat pulchritudo
Et perpetua

dierum longitudo.
V. Dominus regnator

decorem induit
Se et eam, quae

Christum carne genuit.

In 2. Nocturno.
Antiphcmae.

1. Carnis vetustatem

virgo jam repulit,
Quae nostram de se

novitatem protulit,
Gaude, chorus jam

baptismo renovatus,
Atque spera, quod

resurgas hinc beatus.

2. Adduxit Dominus

ventum de deserto,
De ventre thalamum

carnis non experto,
Ille ventus urens

siccat mortis venas,
Ejus in se rumpens

et in matre habenas.
3. Sicut renovatur

aquilae juventus,

Ita novus in te
decor est inventas,

Dum resurgis
ad vocem filii,

Virgo, carne

vincens decus lilii.

4. Virgo, quae

resurrectionem genuit,
Flore resurrectionis

refloruit,
Spes ei reponitur

in usum rei,
Olim quam gesserat

in sinu fidei.
5. Suinmae virginis

ossa jam glorificata,
In terrae gremio

prius humiliata,
Exsultant in spiritu

?umino spiritui,
Gaudium et laetitia

dantur auditui.

6. Cum ad te, Deus,

omnis caro veniet,
Votum in Jerusalem

Sion perficiet,
Te decet hymnus,

qui nunquam deficiet,
Nec laus tuae matris

finem inveniet.

Responsoria.

1. Ascendat vox nunc
canora jubilatione,
In jucunda summae

matris resurrectione,
Quae resurgens ad bravium

duplicis coronae,
Regnat certato itaque
feliciter agone.
V. Corde et manu, gentes
redemptae, plaudite,
Regi et reginae
sapienter psallite.
2. In decachordo

psalterio cum cantico

In cithara laudemus

matrem in filio
Exaltatam

super sidera.
V. Regina regni Davidici
Stola jam fulget duplici.

3. Beata progenies,

unde Christus natus est,
Ejus, qui portavit Christum,

venter beatus est,
Ejus neque pes est datus

in commotionem,
Neque caro permissa

videre corruptionem ;
V. Ante suscitata

diem novissimum
Locum tenet regi

regina proximum.
4. A dextris regis

adsistit jam regina,
Carnis gloria

utique est divina,
De quo passo

plus Maria doluit,
A regnante

plus beari meruit ;
V. Carni vicem

reddit immortalitatis,
De qua sortem

sumpserat fragilitatis.

In 3. Nocturno.
Ad Cantica.
A. Virgo, tenens nostri

clavem auxilii,
Quae jam dominaris

in regno filii,
Ut festum tui

jam perfecti gaudii
Fiat nostri

solatium auxilii.

Responsoria.
1. Virga Jesse,

quae quondam floruit,
Dum in ea

flos carnem induit,

Per eundem,

quem primum attulit,
Secundo carnis

florem protulit;
V. Quae nobis

lignum vitae peperit,
Sibi vitam

ex eo repperit.

2. Felix illa fuit

temporalis hora,
Qua peracta mortis

pretiosae mora
In aeternitatis

resurgit aurora
Mater Christi carne

sicut sol decora.
V. Pertransit de aurora

in meridiem
Omnem transcendens

angelorum seriem.

3. Resurrexit Christus,

qui creavit omnia,
Maria resurgit

in eadem gloria,
Sedet Christus in paterno

judex solio,
Patri medius et matri

communi gaudio ;
V. Trinitas beata,

ubi unitura
In tertio duorum

utraque natura.
4. Gaude, Maria

virgo, mater gaudii,
Gaude, principium

nostri remedii,
Initiatrix

arcani consilii,
Pleno gaude

gaudio filii,
Dono cujus tibi

donatur culmen solii.
V. Te venerantur

ordines caelestium,
Omne genu se

substernit terrestrium.

In Laudibus.
Antiphonae.

1. Mater sancta Dei,

suscepta sinu requiei,
Pro nobis oret,

ubi pleno lumine floret.
2. Post laudes Christi

laus proxima competit isti,
Sub nostra sorte

de qua fit homo sine sorde.

3. Est sine lege patris

caro nati, quae caro matris,
Et duo sunt et idem,

differt honor, est tamen idem.
4. Matris honor totus

in te, pie nate, redundat,
Atque tuo tecum

per te tua mater abundat.
5. Ne quasi dimidiae

pars sordeat una Mariae,
Spiritus atque caro

vernant in lumine claro.
R. Gaude et laetare, Sion,
Natus in te Deus homo
Carnis matrem electam ex

millibus
Fundavit altissimam altissi-
mus.

V. In Sion prius fundata,
Nunc in Jerusalem est
Ejus potestas firmata.

Ad Benedictus.

A. Aeterna te, Maria,

decet beatitudo,
De qua nobis emanavit

vera redemptio,
Tua, quam colimus,

beata resurrectio
Sicut perfudit angelos

felici gaudio,
Sic et nobis peccatorum

fiat remissio.

In 2. Vesperis.
Ad Magnificat.

A. In sui corporis

resurrectione
Exsultat bravio

duplicis coronae
Virgo, per quam fortes

fimus in agone,
Serviamus ei

cum devotione,
Ut nos sua visitet

consolatione.