52. De Gaudiis BMV.

In 1. Vesperis.

Antipbonae.

1. Gabriel, cursor caelicus,
Paranymphus magnificus,

Dum salutat, virginem
Perturbat, sed subsequitur
Gaudium, dum complectitur

Deum factum hominem.

2. Gaudet, virgo, dum nascitur,
Et mundo palam editur

Christus, proles deica,
Natus ante luciferum,
Mundi perlustrans vesperum

In zona ecliptica.

3. Gaudet videns resurgentem,
Postquam vidit morientem

Cruci clavis affixum,
Quando compatiebatur
Nato, qui moriebatur,

Per cordi cor innixum.

4. Dum ascendit ad aethera,
Gaudet virgo christifera
Pro tanta victoria,

Qua tartara spoliavit
Et homines collocavit

In caelesti gloria.
5. Gaudet, quando coronatur
Per filium et locatur

Ultra culmen ordinum
Angelorum, qui congaudent
Sic, ut inde semper laudent

Creatorem Dominum.

R. Gaude, virgo concipiens
Sine virili semine,
Emmanuel parturiens,
Deum una cum homine ;
Gaude, sciens surrexisse,
Quem plangebas interisse,
Et in caelum ascendisse ;
Gaude, quod post assumens,
Regnatura cum superis,
Ut opem feras miseris,
Quos rodit vermis sceleris.

V. ''Hierusalem, civitas Dei, gau-
deas, in saecula saeculorum
luce splendida fulgebis et
omnes fines terrae adorabunt
eum.''

Ad Magnificat.

A. Gaude, virgo, quae gravida
Deum paris non dolendo,
Nec es effecta cupida
Dona regum assumendo.
Gaude, quod Christus infera
Fregit et scandit aethera;
Gaude, quod misit munera
In disposita viscera ;
Gaude, regnans in gloria
Super omnes imperatrix,
Cujus manet memoria
Cunctorum auxiliatrix.

Ad Matutinum.
Imitatorium.

Venite, congaudeamus
Pro gaudiis Christi matris,

In cujus spe respiramus
In mundi procellis atris.

In 1. Nocturno.
Antiphonae.

1. Cum Gabriel annuntiat
Verbi conceptionem,
Virgo mater tripudiat
Propter redemptionem.
2. Gaudet clausus in utero
Salutata virgine,
Virgo congaudet puero
Repleto spiramine.
3. Orto sole justitiae
De stella virginea
Datur causa laetitiae
Sperantibus in ea.

In 2. Nocturno.
Antiphonae.

1. Dum offertur Simeoni,
Qui benedixit eum,
Praeconizatur spes boni,
Quod cunctis est melleum.

2. Quanto gestivit gaudio
Magis adorantibus,
Offerentibus filio
De suis muneribus.

3. Virgo dolens passionem
Congaudet resurgenti,
Qui dat incorruptionem
Devotae sibi genti.

In 3. Nocturno.

Antiphonae.

1. Gaudet virgo, dum adspicit
Ascendentem ad caelos
Et dum prope se prospicit
Colloquentes angelos.

2. Beata matri gaudia
Influxit paraclitus,
Conferens dona grandia
Illapsa divinitus.

3. Cum genetrix exaltatur
Ad filii dexteram,
Totus orbis gratulatur
Effugisse perperam.

In Laudibus.

Antiphonae.

1. Novum causavit gaudium
Completum vaticinium
Jeremiae prophetae,
Cum femina circumdedit
Viram, qui mundum excedit
Et gubernat discrete.

2. Angelico tripudio
Pro nato Dei filio

Congaudet virgo mater,
Quae materiam tribuit,
Quam genitam exhibuit,

Ut esset noster frater.

3. Resurgentis victoria
Lapsa mortis memoria
Laetificat Mariam,

Verso fletu in gaudium
Discantat horologium

Consonam melodiam.
4. Semigaudet puerpera,
Dum scandit super sidera

Natus, quem dilexerat,
Plus quam creata cetera
Et sic manet ut misera,

Nam vitam amiserat.
5. Super caelum empyreum
Ad latus nati melleum

Gaudet mater locata,
Ubi secreta divina
Videns praeest ut regina

A dextris coronata.

Ad Benedictus.

A. Mirabile mysterium

Cum gaudio decantatur,
Cum salutis commercium

In virgine declaratur,
Quando creator omnium

Carnem humanam induit
Et post temporis terminum

Fragilem se exhibuit ;
Qui traxit magos per stellam,

Qui munera obtulerunt,

Cum invenerunt puellam,

Cum natum adoraverunt,
Qui spoliavit infernum

Et post ascendit ad astra,
Ut daret munus supernum,

Quo sterneret mundi castra
Et post matrem coronavit

Omnium imperatricem,
Per quod mundo spem donavi

Esse cunctis adjutricem.

In 2. Vesperis.
Ad Magnificat.

A. Mater Dei gloriosa,
Virgo, rosa speciosa,
Licet vires pro tuorum
Memoria gaudiorum
Propriae non sufficiant
Sed penitus deficiant,
Tuae tamen ad decorem
Sanctitatis et honorem
Ipsa pie recolimus
Gaudia teque poscimus,
Pulsis ut facinoribus
Gaudiorum honoribus
Caelestium gaudeamus.