62. In Festo Mariae nivis.

In 1. Vesperis.
Antiphonae.
1. Vellere, Christe, mades
in virgine qui Gedeonis,
Matris festa tuis
auge devota colonis.
2. Quae despicantis

maduit tunc area viri,
Virginis exhibuit

templum nive te generantis.
3. Patricii vota

Deus inspexit bene mota,
Exhibet huic aedem,

sub qua se fecit heredem.
4. In nivium festo,

mater Domini, memor esto,
Ferre bonum maesto,
pia sis illi prece praesto.
5. Nos nive candoris

frigefac, bona, ne caleamus
Aestibus horroris,

bene psallere quod valeamus.
6. Caeli regina,

nobis vitae medicina,
Aures inclina,

ne stemus sorte supina.

Ad Magnificat.
A. Magnificat Dominum

natum plebs virginis almum,
Qui nivium donis

dominatur in ungue leonis.

Ad Completorium.
Ad Nunc dimittis.
A. Christe, tuum servum

mittas in pace protervum,
Muta decreta,

tua mater adest proseneta.

Ad Matutinum.
Invitatorum.
Qui dedit ut lanam

nivis imbrem, glorificetur,
Virginis et matris

Deus in festo veneretur.

In 1. Nocturno.
Antiphonae.

1. Resplendent opera,

digitorum, Christe, tuorum,
Virginis eulogia

dum stant pro parte reorum.

2. Format ei templum

Dominus in sole leonis,
Virginis exemplum
quod ad instar dat Salomonis.

3. Fundavit Dominus

ad honorem virginis almae,
Dextra quae palmae

residet, templum speciosum.

Responsoria.

1. Gaudia quaeramus

animos nostros recreantes,
Festa recondamus

dominae nova magnificantes,
V. Gaudet et in nato

benedicta Maria jucundo.

2. En, opus insigne

matris patet in nive digne,
Nix friget et candet,

rara est, albet, fluit igne;
V. Illa nivis jura

tenet in se virgo Maria.

3. Hanc nivium donis

circumscripsit Salomonis
Codex, est pulclira

virgo, sed candida tota,
V. Et friget in toto,

non est ibi sensa libido.

In 2. Nocturno.
Antiphonae.

1. Eructavit cor

verbum gratum, quia fervor
Virginis ad Christ um
conversus contulit istum.

2. Ad festa dominae

psalmos cantare venite,
Laudes narrate,
sub ea bona meate vacate.

3. Christe, tuis donis

memor es Raab et Babylonis,
Obsidis esto memor,

vult virginis haec quia cla-
mor.

Respcmsoria.

1. Sicut nix rara

sub parvo grandia claudit,
Nobilis ancilla

dominam se caelitus audit,
V. Exaltat Dominus

humiles, extra jacit altos.
2. Albuit in vita,

quia virgo tota pudica,
Casta gignante

virgo post mansit et ante,
V. Sic voluit, decuit,

sic bona cuncta dedit.

3. Fuso nix igne

diffusa repente liquatur,
Sic precis et dignae

vox fructum concomitatur,
V. Supplicat assidue

natum quia clara Maria.

In 3. Nocturno.
Antiphouae.

1. Omnis terra Deo

Domino nova cantica cantet
Virginis exemplo,

quia jam super omnia regnat.
2. A facie Domini

fluxere nives sub amore
Matris cbristiferae,

quia hanc sic vult venerari.
3. Aestus in aestate

mirabilis, en, nive templi
Principium confert,

sua cuncta patricius offert.

Respoiisoria.

1. Quod calamus scribae

scripsit de pneumatis ore,
Virginis in gremio

completur tempore sacro,
V. Natum quando dedit,

nos natus quando redemit.

2. Post cancrum solis

dum volvitur aureus axis,
Dat Deus ex more

castae matris sub honore,
V. Nobile figmentum,

formans nive lineamentum.

3. O mater Christi,

quae patricio tribuisti,
Ut sua devota

posset persolvere vota,
V. Suppliciter rogita,

plebis inclita virgo Maria.

In Laudibus.
AntijJionae.

1. Laudibus excelsis

matrem Domini veneremur,
Turpibus evulsis,

sicut decet, huic modulemur.

2. Roma, tuum festum

recoles Domino placitura,
Qui nivis egestum
produxit teste figura.

3. Os patet obstructum

de virgine turpe loquentis,
Virginis, en, fructum

videt undique terra regentis.

4. Nix, grando, glacies,

Domino benedicite, fontes,
Cuncta super sidera
superexaltata Maria.

5. Nix, frigus et gelua,

laudate Deum, bona cuncta,
Cui matri niveo

templum placuit dare circo.

Ad Benedictus.

A. Virginis in laude

populus per saecula plaude,
Cedit amor fictus

Domino, qui sit benedictus.

Ad Magnificat.

A. Multis virgo bonis

implevit et esurientes
Caelitus amoris
hominum cibat haec pia
mentes.