67. De sancto Calogero.

In 1. Vesperis.
Antiphonae.

1. Caloyrus praeelectus
A Deoque jam dilectus,
Bene doctus literarum
Atque structus divinarum.

2. Puer bonus se ornavit
Virtuteque decoravit,
Mundus nunquam violavit
Nec vitium eum foedavit.

3. Jejuniisque deditus,
Orationi traditus,
Bis ternis est hebdomada
Pane contentus et aqua.

4. Christi semper contemplando
Passionem et plorando
Jesum ardet is amando,
Cui se vovit monachando.

5. Justusque Dominus
Dilexit aequitatem,

Caloyrus

Odit iniquitatem.

E. Surrexit papa obviam
Praesentiens legatum
Caloyrum Siciliam

Venturum caelo datum,
Ut frangeret nequitiam,
Qua caelum est stupratum.
V. Mortem quaerit spontaneam,
Ut pandat Christi gloriam
Valde gratam.

Ad Magnificat.
A. O pie pater Caloyre,
Qui claros in superbia
Ejectos jam de gloria
Meruisti devincere,
Tolle pacis obstaculum,
Para nobis gaudium,
Ut mereamur pergere,
Ad vitae solatium.

Ad Matutinum.
Invitatori um.
Christo, regi confessorum,
Plebs concinat fidelium,
Almi senis meritorum
In te laudis praeconium.

In 1. Nocturno.

Antiphonae.

1. Caeli dono decoratur
Caloyrus ab infantia,
Die ac nocte meditatur
In fidei notitia.

2. Praecepta Dei praedicans
Hic missus apostolicus,
Miraculis coruscans,
Egenonim medicus.

3. Voce clamans conjuravit
Vir senex egregius,
Adversantes effugavit
Ipsos ligando fortius.

Respcmsoria.

1. Summus pontifex Caloyro
Dat clavis potestatem.
Hic Christi sanctus famulus
Eligitur prae aliis,
Ut premat feritatem,
V. Ut Siculorum populis
A daemonum fallaciis
Capiat libertatem.

2. Novum sidus emicuit,

Amore summo fervidum,
Speculum sanctitatis,
Miris diversis claruit
Lumen vitac splendidum
Monstrans viam salutis;
V. Languentibus hic profuit
Medicamen dans validum
Vir magnae claritatis.

3. Gaude tu, mater Graecia,
Lustrata tanto lumine
Pudentis almi nati,
Dei repleti gratia,
Cujus potenti nomine
Daemones sunt fugati;
V. Exsultet nunc Sicilia,

In hujus patris numine
Siculi sunt salvati.

In 2. Nocturno.
Antiplionae.

1. In pace cum Christo manens,
Sublimatus praemio,
Hic vana mundi repellens
Christi adhaesit vestigio.
2. Precare nunc, Caloyre,
Quem corde dilexisti,
Ut mereamur pergere
Ad vitam, quam petisti.

3. Caloyrus jam meruit

Dei montem ascendere,

Qui daemones non metuit

Signo crucis devincere.

Responsoria.
1. Caloyrus obsequio

Parat Dei se totum,
Corpus artat jejunio

Expellens hostis motum
Renuntiatque proprio
Emittens caste votum.
V. Intrat nemus cum gaudio,
Vescitur herbis prandio
Renuens vini potum.
2. Siac dum ingreditur
Senex [iste] servulus,
Jesu cito creditur,

Quem hic praedicabat,
Crucis hoc signaculo
Sanat Dei famulus
Multos in hoc saeculo,

Daemon quos gravabat ;
V. In fide perficitur

Totus Siac populus,
Menteque suscipitur

Crux, hic quam docebat.
3. Infans senescit moribus

Transcendens vi[am veri],
A laqueis hostilibus
Ut possit se tueri,
Instat et semper precibus
Vitam quaerens mereri;
V. Carnis dimissis patribus,
Qui aperit pulsantibus,
Exquirit inhaerere.

In 3. Nocturno.

Antiphoncie.

1. Laetentur in te sperantes,
Christe, et memoria
Galoyrum venerantes
Fac participes gloria.

2. Nomen Christi mirabile
Senis procedens ore
Destruendo terribilem
Inimicum cum ultore.

3. Ingressus sine macula
In hoc viator saeculo,
Nunc fulget quasi facula
In summo tabernaculo.

Responsoria.

1. Crucis Christi signaculo
Daemones conjuravit
Solitudinis loculo

Ac ipsos relegavit,
Ab omni periculo
Populum liberavit,
V. In sancto habitaculo
Dominique oraculo
Ipsum confirmavit.

2. Locum istum ululantes
Daemones dimiserunt,
Vocem magnam illi dantes

A monte recesserunt,
Populique gratulantes
Dominum laudaverunt,
V. Ad quem ipsi convertentes
Basilicam construentes
Ibique adoraverunt.

3. Felix mons atque patria

Hoc ornata sidere,
Cujus tot ob prodigia

---

perlustratur

Grotta tota Sicilia

Senex fecit conscendere,
Infirmis sint remedia,

Qui sudando sanantur.
V. Fugavit ac daemonia

Ipsa, cujus per opera

Patria plena gratia,
Mons sic sanctificatur.

In Laudibus.

Antiphonae.
1. Caloyrus mirificus,
Dono Dei magnificus

Ex opere monstratur,
Dum cunctos sanat languidos,
Faciens corde solidos,
Et fides ampliatur.
2. Mox ad montem ut applicuit,
Caelesti dono praeditus
Velut sol perlustravit,
De caelo quae jam corruit,
Catervam Satanae penitus
Signo crucis fugavit.
3. Te rex sitivit luminum
Hic infra vitae terminum,
Cujus obtentu petimus,
Quem miserantem novimus,
Nunc glorians in pace
Ut audias nos de luce.

4. Terra et pontus, aethera
Sedentem in patris dextera

Exaltant omni laude,
Forti cujus potentia
Nos hic perunctus gloria

Protexit Satan fraude.
5. Senes cum junioribus
Laudent Dominum vocibus

In excelsis,
Cujus senex virtutibus
Fit aegris medicamen

Fulgens in adversis.

Ad Benedictus.
A. Floruit sicut lilium

Almus confessor inclitus
Moribus et doctrina,
Nam hic ante septennium
Dei virtute praeditus
Vixit sub disciplina,
Postponens omne praemium
Corruptionis penitus,
Solum quaerens divina.

In 2. Vesperis.
Ad Magnificat.

A. Manus aegris Caloyrus
imponens [imperavit]

Daeinonibus jam oppressis,
jactans illos curavit

Ab omnibus languoribus
Ipsosque liberavit

Priscisque sanitatibus
Cunctos instauravit.