19. De Conceptione BMV.

In 1. Vesperis.

Ad Magnificat.

A. Stella solem paritura

Declaratur hodie
Ab angelo nascitura

Virgo plena gratiae,
Ex qua Christus orietur,

Coelestis rex gloriae,
Per quem mundus redimetur

A lacu miseriae.

Ad Matutinum.
Inuitatoriam.
Auctori vitae

Domino jubilare venite,
Nam genitrix virgo
laudatur et ejus origo.

In 1. Nocturno.
Antiphonae.
1. Angelus ignaro

Joachim cum lumine claro

Adstitit, huic soli
missus ab arce poli.

2. Est pavidus multum

Gabrielis cernere vultum,
Cujus erat species
ut duplicata dies.
3. Non time, pax tibi sit,

Deus inquit, me modo misit,
Grata, quae dico tibi,
sunt tua vota sibi.

Respoasoria.
1. Cum genus humanum

vetus hostis suppeditaret,
Cum pietate manum

Deus intulit, ut relevaret,
Verus homo fieri
populique volens misereri;
V. Ut faceret salvum,

non virginis horruit alvum.
2. De radice David

Joachim fuit ortus et Anna
Prole tribuque Levi,
fuit ex his orta Maria,
V. Virgo sacerdotis

summique puerpera regis.
3. Ante Deum justi

populis pietate venusti
Partibus in trinis
templo simul et peregrinis.
V. Propria tradentes,

solam partem retinentes.

In 2. Nocturno.
Antiphonae.
1. Cordis in occulto

tristaris tempore multo,
Quod prole careas,
amodo non timeas.
2. Anna maris stellam

pariet tibi laeta puellam,
Stella Maria maris
dicta carensque paris.
3. Ut cadit in vellus

imber, quasi rore novellus
Condescendet ei
spiritus ipse Dei.

Resiponsoria.

1. Caste vivebant,

sed ob hoc, quod prole care
bant,
Pontificis verbis

Joachim reprobatur acerbis;
Sed Deus hunc humilem
confortat per Gabrielem,
V. Quod nascetur ei

virgo parensque Dei.
2. Cum fuerit nata,

sit virgo Maria vocata,
Sanctior exemplo

sit oblata juvencula templo,
V. Serviet haec Domino

soli cum corde benigno.

3. Omne, quod immundum,

nunquam bibet atque cibabit,
Qui redimet mundum,

pia virgo Deum generabit,
V. Non concepta viro,

conceptu florida miro,
Non erit ipsa parens
virginitate carens.

In 3. Nocturno.

Autiphonae.

1. Haec incarnatum

de se nunquamque creatum
Virgo concipiet,
virgo Deum pariet.
2. Hoium praedicta

generatio fit benedicta,
Exiet inde mera
virgo salutifera.
3. Christus ab arce patris
intrabit viscera matris,
Ex qua corporeus
exiet ipse Deus.

Responsoria.

1. Ad Dei nutum

de semine virgula Jesse
Regis virtutum

se matrem noverit esse,

V. Nobilis et munda,

pia virgo Deoque jucunda.
2. Laetilia magna

Joachim repletur et Anna,
Vota Deo pura

reddunt pro prole futura,
V. Spe sobolis certi,

justi sine fraude reperti.

3. Radicem Jesse

fuerat florere necesse,
Virgaque signa daret,

quod virgo Deum generaret,
Annaque fit laeta

promissa prole repleta ;
V. Talibus egregia

signis fuit orta Maria.

Ad Laud es.
Antiphonae.

1. Misit Deus Gabrielem
cum splendore luminis,
Nuntiare Christi matris
ortum sanctae virginis.

2. Ad Joachim et ad Annam
facta est promissio,
Quod ab ipsis orietur
virgo plena gaudio.
3. Ipsa Deum generabit
sine viri semine,
Semper virgo plena erit
sancto Dei flamine.

4. Benedicta benedictum
generabit filium,
Dei verbum, regem regum,
salvatorem omnium.

5. Oriente Christi matre
gaudeat ecclesia,
Ex qua mundo lux est orta
Dei providentia.

Ad Benedictus.

A. Stella fulgens orietur

de Jacob familia,
De Juda non auferetur

Virga sceptri regia,
Donec ille, qui mittetur,

Veniet cum gloria,
De virgine qui nascetur

Plena Dei gratia.

In 2. Vesperis.

Ad Magnificat.

A. Stella maris, vitae portus,

Virgo plena gratiae,
Fons hortorum, florens hortus,

Vas misericordiae,
Ex te verus sol est ortus,

Lux coelestis gloriae,
Ab angelo cujus ortus

Declatur hodie.