7. In Illatione Sanguinis Domini,

In 1. Vesperis.

R. Salve, sanguis Christi stilla,
Bona reducens in illa,
Quae perdidimus
In primis parentibus.

V. Cruor Christi super cuncta
Pretiosa est unguenta,
Favus distillans passio
Mel et lac in cruce sua.

Ad Magnificat.

A. Ave, cruor salutaris,
Qui de vivo derivans
Fonte, nos emundans
Et ad bonum nos fecundans,
Mustum verae vitis,
Vim exstinguens nostrae sitis,
Stilla plena dulcore,
Tu nos coelj redde dignos
honore.

Ad No cturnum.
R esponsoria.

1. Serpens ad fastum

per fraudes atque per astum
iniciens pastum

fructu mortis protoplastum,
In patre nos stravit,

coeli quem sede fugavit,
Sed Christi sanguis

occurrit morsibus anguis.
V. Vulneribus maestis

nos laesit noxia pestis,
Dum tristi pomo

se temeravit homo.

2. Vere sacratum sanguinem,
Qui restituit hominem
Paradiso spoliatum
Matris Evae per reatum,
Nam peremptis mortis esu
Redit vita morte Jesu.

V. ''A Domino factum est istud et
est mirabile in oculis nostris.''

3. Christi sanguis sacratissime,

Tu potus salutaris es animae,

Menti ros intimae,

Tu carnis exstinguens fons
faculas,

Mundans maculas.
V. Quoniam peccatorum flammis

urimur et culpis sordidamur.

Ad Laudes.
Antiphonae.
1. Quando venit agnus Dei,
Placens patri hostia,
Solvit orbis culpam rei
Sanguinem cum anima
Dans ei.
2. Verbum supernum descendens
Ad salutem hominum
Sanguinem impendit pretiosum
In succursum redimendoium.
3. Beatus auctor miseris
In primo lapsis homine
Apertione lateris
Fuso subvenit sanguine.
4. Clausa pareatis anima
Penetrabatur gladio,
Dum nati rorant optima
Membra cruoris fluvio.
5. Domus coelestis panditur,
Dum rumphea versatilis
Et flammea restinguitur
Virtute stillae nobilis.

Ad Benedictus.
A. Redditi

coelis sumus
per cruorem,
Quem Christi
de corpore
produxerunt
Sudor flagra spinae
Ac clavi
lanceaque

per hunc rorem
Avida

jam praedura
corda reviserunt.

Per Horas.
Ad Primam.

A. Sanctus sanguis iste,
Quem, Christe,
Nascens ex virgine.
In ejus oculis
Fudisti pro homine.

Ad Sextam.

A. Spes nostra
Vincens ostra
Sanguis rubi
Donis ubi
Stillula.

Ad Nonam.
A. Te jure cuncti
Fide functi,

Hos vivifice,
Quaerunt,
Qui ruerunt,

Ut resurgant, effice.

In 2. Vesperis.
Ad Magnificat.
O gutta sanguinis
Omni prosequenda laude,
Quae cladem hominis
Miseri plena virtute repellis,
Dum ex sacro Christi corpore

manas
Cunctosque languidos sanas.