24. De Conceptione BMV.

In 1. Vesperis.

Ad Magnificat.

A. Jesse radix, castum semen,
Nobis datur vitae germen ;

Adest dies laetitiae,
Qua seminatur lilium,
Quod profert Dei filium,

Exemplum mundiciae,
Quod a Deo est promissum,

Antequam mundus fieret,

Et electum et excisum
Antequam terram faceret.

Ad Matutinum.

Invitatorium.

Creatori jubilautes
Veneremur semina,

Exultemus venerantes,
Nostrae salutis femina.

In 1. Nocturno.
Antiplionae.

1. Mater Christi seritur,
Infans hinc egreditur
Processu laudabili.

2. Hic solis tabernaculum
Et sponsi fit miraculum,
Hic vinea virginea
Ex stirpe fit feminea.

3. En. semen regis filiae.
Ex qua fructus gloriae
Processit humiliter,
Regnat mirabiliter.

Responsoria.

1. Conceptio veneranda
Fructum salutis germinat,

Ergo uterus insignis
Merito est laudanda,
Quae vitae semen seminat
Meritis condignis.
V. Corda sursum vigilent,
Vitae cursum jubilent
Et pacis accessum.

2. Ista sine vitio
Est facta proportio,

Quae producit rorem,
Quae rosam rigavit
Radicitus plantavit
Praeelectum florem,
V. Hinc provenit hodie
Ros misericordiae
De mundo conjugio.

3. O laudandam seminis
Hujus fecunditatem,
Quod in se ducit virginis

Mirandam ubertatem
Et ad se trahit, numinis
Divini potestatem ;
V. Hoc nempe est consortium
Dans salutis reditum
Et Evae purgans vitium.

In 2. Nocturno.
Antiplionae.

1. Oritur regis filia
Honor atque gloria,
Quam virgines sequuntur
Et regi offeruntur.

2. Conceptum refugium
Benigne Deus dedit,
Per quod ad solatium
Tam miser homo redit.

3. Hoc a Deo fundamentum
Fert salutis incrementum,
Per quod Deus invocatur
Et aeterna salus datur.

Responsoria.

1. Hic vinea plantatur

Generosi seminis,

Hic virtus radicatur,
V. Vitae salus nobis datur,

Nam imus vernaculus

Ad astra levatur.
2. En, semen hoc post Abraham

Virginem eduxit,

Quae protulit verum Adam

Et petram Christum produxit,
V. Pacem facit apud Deum

Sibi concordans vere reum.
3. Sicut Deus locutus est

Abrahae et ejus semini,

Ac misertus est Israel

Per puerum Emanuel,

Benedicens germini,
V. Unde venit castissima,

Clara, Deo cara

Mater fecundissima.

In 3. Nocturno.
Antiplionae.

1. Haec est castimonia
In conspectu Domini,
Quae pacem reddit homini
Et vitae alimonia.

2. Exsultant Judae filiae,
Nam dat vitae radicem
Nec non ortum felicem,
Quae resultat hodie.

3. In justis parentibus
Deus seminavit
Semen, per quod gentibus
Vitam relevavit.

Responsoria.

1. Hic stipes est, aeternae

Et verae salutis,

Ex quo procedunt floridi

Rami virtutis,

Ibique fructus crescit,

In quo verus filius

Dei requiescit.
V, Christi thronus summe bonus

Hic creatur et beatur.
2. Gemma pudicitiae,

Semen castitatis

Nobis venit hodie,

Flos virginitatis,

Est data divinitus

Salus nobis primitus.
V. Fidelis cum tripudio

Exsultet sic in gaudio.

Ad Laudes.

Antiphonae.

1. Domum Domini

Decet sanctitudo,
Ex qua nobis gratiae
Venit plenitudo.

2. Concepit fructum Anna,
Unde venit manna,
Idcirco resonemus
Dulcisonum Hosanna.

3. Hic ad Deum vigilent
Erigant se mentes,
Fructum salutiferum
Proferunt parentes.

4. Omnia germinantia

Exsultent Deo patri,
Semen et seminantia
Nunc seminate matri.

5. Juvenes et virgines

Laudent nomen Domini,
Cantent et tripudient
Benedicto semini.

Ad Benedictus.

A. Domo de David hodie
Luminare ecclesiae

Dominus produxit,
Per quod nobis stella vitae
Rite, illuxit, quae mite
Nos ad lumen gratiae
Ac solem justitiae
Miseros perduxit.

In 2. Vesperis.

Ad Magnificat.

A. O florens virga Aaron,
Summus creavit Salomon
Et sanctificavit ab aeterno
Te ex utero materno
Prae ceteris creatis,
Tu reorum vera tutrix
Et moestorum consolatrix,
Tu robur pietatis,
Perpes salutis, vitae via,
Virgo mater, miserere,
Fac digne poenitere
Ex tua mera gratia.