31. De Visitatione BMV.

In 1. Vesperis.
Antiphonae.
1. Candida plebs fidelium,
Cosabeth hospitium,

Dum scandit virgo nobilis
Montem, in quo locatur.
2. Testis aeterui veritas

Virginem movit quaerere
Consortem Zachariae,
Amisit jura tarditas
Nec valuit retrahere
Gressus almae Mariae.
3. Intrat virgo cubiculum
Salve dicens hilariter
Cognatae jam fecundae,

Mox factum est miraculum
Infans exsultat granditer
Vocis flatu jucundae.

4. Mater infantis loquitur

Aeterni matrem numinis
Mariam protestando,
Beatum carmen promitur
Sacri pulsu spiraminis
Ambos magnificando.

5. O felix visitatio,

Per quam matrique filio
Munera dantur alta,
Illa prophetat subito,
Repletur iste gaudio
In aede carnis arta.

Ad Magnificat.

A. Omnis causata bonitas
Beatam dono gloriae
Voce Mariam valida
Nitatur exlamare,
Quam celebris humilitas,
Pius dulcor clementiae,
Caritas movet fervida
Parentem visitare.
Quarum virtutum gratia
Suae mentis spiraculum
Ante datorem luminum
Expressit exsultare,
Sicque sumpta fiducia
Sacrum dictavit canticum,
Quo plasmatorem Domi-
num
Docet magnificare.

Ad Matutinum.
Invitatorium.

Actio matris virginis

Devote recolatur,
Qua salutatur sterilis

Et infans jucundatur.

In 1. Nocturno.

Antiphonae.

I. Sterilis per prodigium
Mariae demonstratur,
Quod verbum patris unicum
Ex ipsa generatur.
2. Virgo sine formidine
Nuntio causatoris
Cognatae de propagine
Fidem praebet honoris.

3. Fidei claret mansio
In virgine beata,
Dum ad parentem scansio
Sumitur mente grata.

Responsoria.

1. Pium mentis viaticum
Fides initiavit,

Inceptae viae mediam
Spes firma sociavit,
V. Triplex ergo principium
Mariae theologicum

Progressum consummavit.
2. Parentem pluris temporis
Devote visitari,
Ferentem pondus genuinis

Attente consolari,
Lex dictat gratitudinis,
Quamlibet imitari,
V. Hoc actu sacrae virginis
Agnata sui generis
Noscitur confirmari.
3. Haec ampliat jejunia
Precibus commitala,
Sacra studet eloquia
Virtutibus ornata,
Cuncta spernit eloquia
Sordibus copulata.
V. Dum stat in arta curia,
Haec virginum collegia
Virgo docet sacrata.

In 2. Nocturno.

Antiphonae.
1. Maria docet studium
Servare pietatis,
Dum gravidae triclinium
Visitat ipsa gratis.
2. Castum cum prole praemium
Parenti monstrat ratum,
Cum Dei patris filium
Suum declarat natum.
3. Humilitatis regulam

Monet cunctos amare,
Dum sui nati famulam
Inquirit honorare.

Responsoria.

1. Doctrina clamat physica:
Prima mentis notitia

A sensu generaturi
Mariae docet regula:
Vulgaris haec peritia

Non semper approbatur.

V. Hoc monstrat claubi gratia,
Qui prius sapientia
Quam sensu decoratur.
2. Totalis virtus feminae,
Ut suae donet plantulae,
Non habet potestatem,
Colendi regem gloriae
Beatae cultu latriae
Ante nativitatem ;
V. Istud mater clementiae
Dono complevit gratiae
Suam per caritatem.
3. Quis ortum vidit proprium
Succedere tripudio
Concessae voluntatis?
Hoc physis negat studium,
Quod tamen firmat actio
Beatae castitatis;
V. Johannes docet gaudium,
Dum clauditur in utero
Maternae facultatis.

In 3. Nocturno.

Antiphoaae.

1. Descendit Dei nuntius,
Ut jussa revelaret,
Ascendit virgo protinus,
Ut visa nuntiaret.
2. Turbatur sensus virginis
Angeli dictione,
Solatur fructus sterilis
Mariae lectione.
3. Corpus auctoris physicum
Angelus declaravit,
Sed corpus virgo mysticum
Signat, dum salutavit.

Responsoria.

1. Quaerenb uti

parentis agmine
Virgo lumen

sumpsit prudentiae,
Simul ferens

cum fortitudine

Castum cultum
et vas justitiae,
V. Iter pandit hoc supernum
Festum firmans hodiernum.

2. Gemina salutatio,
Quam mutua dilectio

Parentum operatur,
Terminum plenum gaudio
Procuret plebis animo,
Quo festum veneratur.
V. Hoc Christus in judicio
Pensato matris merito
Psallenti largiatur.

3. In hujus festi gaudio
Docetur congruenter,
Quod duplex salutatio
A turbis reverenter
Colitur absque taedio
Cum jubilo ferventer,
V. Mariae desiderio,
Elisabeth suspirio
Compleatur libenter.

In Laudibus.
Antiphonae.

1. Circa matris viaticum
Reperiet modestia
Devoti viatoris,
Quod omnium spirituum
Complevit ministeria
Genitrix conditoris.

2. Ferventi complet gaudio
Seraphicum officium
Affectus virginalis,
Hoc probat visitatio,
Expressa per indicium
Amplexus parentalis.

3. A virginali facie

Cherubica limpiditas
Procedere notatur,
Cum signis multifarie
Latens per ipsam veritas
revelatur.

4. Clara thronorum ratio

Affectum sanctae virginis
Redditur luminose,
Dum firmat absque dubio
Fidem in mente sterilis
De Christo vigorose.

5. Laudetur matris actio,

Per quam patris potentia
Signatur evidenter,
Aeterni verbi notio
Et spiritus clementia
Panduntur consequenter.

Ad Benedictus.

A. Maternum jus deificum
Cum pietatis opere
Gradum praefert dominicum,
Comitem providentiae
Respectum causaturae,
Potestas eminentiae,

Ob quam parentem sequitur,
Libram ferens justitiae,
Per quam hostem aggreditur
Humanae plasmaturae.

Istud virtutum opera
Sequi per actum virginis

Probatur, cum ad supera
Levatur mater hominis
Aeternae geniturae.

In 2. Vesperis.
Ad Magnificat.

A. Principum altum solium
In te, Maria, nascitur,
Dum regem portas omnium
Ad oppidum parentis;
Archangelorum studium

Per te, Maria, panditur,
Cum salvum facis cuneum

Prolis atque gignentis ;
Angelicum officium

A te, Maria, sumitur,
Dum visitas hospitium

In alto quiescentis,
Tuum ergo praesidium

Populo fer, qui premitur,
Ut tuum cernat filium,

Verbum cuncta cernentis.