292. (5.) Incipit Capitulum quartum.

1. O Maria, mater Dei,
Convertentis mater rei,

Virgo sincerissima,
Via lucis, dux et palma
Conversorum, mater alma,

Virgo benignissima.

2. Miserorum miserere,
Miseratrix nostri vere,
Miserendo subveni.
Liquefacta caritate,
Inundata pietate,
Miseratrix, adveni.

3. Miserere miserorum,
Quae in ipsis es caelorum

Thesauris charismatum,
Quae in thronis es decoris
Et odoris et dulcoris

Plena diadematum ;

4. Quae cum Christo gloriaris
Et cum ipso spatiaris

Per arva balsamatum ,
Quae cum ipso cohabitas
Intra cedros ibi sitas

In hortis aromatum.

5. Dulcis arbor et vitalis,
Nunquam fuit nec est talis,

Nec erit consimilis.
Aaron summi virgula,
Nova ferens miracula,

Virga ferax humilis.

6. Humo carens et humore,
Sed fecunda caeli rore

Sicut arbor utilis,
Inventa es fronduisse,
Floruisse, peperisse,

Virgo, virga fertilis,

7. Nova ferens amygdala,
Omnia tollens scandala

Et haeresum schismata.
Amygdala veritatis
Universa falsitatis

Peremerunt dogmata.

8. Amygdala deitatis
Simul et humanitatis

Fructus tui schemata ;
Quem prophetae praedixerunt,
Cuncta simul astruxerunt
Veterum problemata,

9. Hic est fructus ventris tui,
Quo superni gaudent frui,

Superans aromata,
Cinamomum et odorem
Universum et dulcorem,

Omnia balsamata;

10. Omnia vincens dulcia,
Caelestia, terrestria,

Omnia charismata,
Unde dulcantur omnia,
Et ornantur insignia

Regni diademata.

11. Hic est fructus dultifluus,
Ortus ex te, vere tuus,

Tuus et ecclesiaei;
Tuus fructus, tuus Deus,
Tibi gratus ) , per te meus,

Tuus, inquam, proprie.

12. Tuum ergo Dominum,
Tuum omnino proprium,

Tuum lac deifluum
Lege potes iuris miri
Et conferre et largiri,

Donum hoc largirluum.

13. Nam ut rosa vel lilium
Vel omnis odor dulcium

Spirat suavissime,
Quemadmodum flos odorem
Foras spargens et dulcorem

Redolet dulcissime,

14. Nec amittit in se fixum,
Sed ex toto servat ipsum

Et fundit largissime ;
Sicut fructus dulcis olens
Et super cuncta redolens

Fraglans felicissime,

15. Ita sine detrimento,

Sed cum omni incremento

Fructum tuum merito
Illibata genuisti,
Sublimata peperisti,

Virgo maior solito.

16. Virgo felix, tellus dulcis,
Exarata vitae sulcis

Septiformi vomere ;
Lacte, melle tota fluens,
Omni semper bono fruens
Multiformi munere,

17. Ut ex uno caritatis
Ex altero pietatis

Semper fluas latere,
Lacte, melle fluens Christi,
Cuius nescit unda sisti,

Et divino nectare;

18. Humanati deitatis,
Immolati caritatis

Redundans dulcedine,
Caritatis melle pluens,
Pietatis lacte fluens

Meritorum ordine.

19. Mel et lac est humanitas
Tui fructus et deitas,

Cuius manas flumine,
Veri Dei et hominis,
Sed et patris et flaminis
Vere fluens numine ;

20. Veri mellis et butyri,
Quod est vita iusti viri,

Deliciis affluens.
Mel est Deus humanatus,
Factus in te butvratus,

Dulcis ex te diffluens,

21. Verus Deus factus homo
In sacrata tui domo

Ventris et virginea;
Dei cuius humanati,
Ex te casta vere nati,

Mater es idonea.

22. Ergo valde veneranda,
Valde semper es amanda,

Plena vere gratia.
In qua gaudete, virgines,
Omnes gradus et ordines,

Digna vere gloria.

23. Omnes enim, qui Mariam,
Genetricem Dei piam

Et virginem diligunt.
Isti quietem intimam
Cum eadem et optimam

Partem sibi eligunt ;

24. Et insistunt patientes
Et parendo continentes,

Ut vacent malitia,
Misericordes, humiles,
Quibus studet Christi miles

In mundi militia.

25. Istos vocat et eligit,
Istos servat et diligit

Deus, Dei filius.
Ergo nihil hominibus,
Nihil in mundi finibus,

Nihil est utilius,

26. Quam Mariam venerari
Et amare et sectari

Cum eiusdem filio.
Hoc est enim eius frui
Amore et nati sui
Et eorum gaudio.

27. Sed nos, licet pauperculi,
Licet indigni famuli,

Ad eius clementiam,
Ad eandem recurramus,
Ut per ipsam acquiramus
Veniam et gratiam.

28. Non enim potest non pia
Necnon esse propitia

Nobis, mundo advenis,
Quae nobiscum est et homo
Et pro nobis est in domo

Dei cum indigenis.

29. Ad hanc ergo redeamus
Et eidem exponamus

Nostrum desiderium,
Ut natisui servulis,
Licet in bono parvulis,

Nobis adiutorium

30. Impendere non desistat,

Sed circa nos gressum sistat

Mentis et clementiae
Suae illi piae menti
Nos infigat et clementi

Suae semper gratiae

31. Et de fonte septiformi

Et abysso multiformi

Gratiae dulcifluae

Pluviam voluntariam

Et sui roris copiam

Infundat largiflue.

32. Flos virginum, O Maria,
Flore, fructu, rore dia,

Tuo imbre caelitus,
Plena bonis et sophia,
Nos perfunde, virgo pia,

Rore sancti spiritus.

33. Fac per tuum Alleluia
Tuarumque precum via

In hac mundi specula,
Ut caelestis symphonia
Regni nobis melodia
Resonet in saecula.

Explicit capitulum quartum.

Incipit titulus in quinto.

Vae tibi, pseudo furor, quia te serpente peruror,
Proh dolor, statera quot perdit iniqua chimaera!
O pia virgo, precor, virosi domatis aequor,

Quod satanas virus molitur fundere dirus,
Subrue, pessumda, vivo pia fonte redunda,
Sana doctrina nos imbue caelicolarum,
Plana, divina, de flamine christicolarum.

Explicit titulus.