179. (69.) In festo Pentecostes.

In 1. Nocturno.

1. Adventu sancti spiritus
Nostri cordis altaria
Ornans, Deus, virtutibus
Tu tibi templa dedica,
Illa septiformi,

quam habes, gratia
Contra septem

illa daemonia,
Cuius dona

bona sunt omnia.

2. Per timorem nos Domini
Primum a malo liberat,
Ut pauper huius saeculi
Caelum dives introeat;
Tu hanc da, Domine,

da nobis gratiam,
Poenam reis

ne reddas debitam,
Sed nomini
tuo da gloriam.

3. Da pietatis viscera,

Ne superet temptatio,
Mites facit haec gratia,
Quorum terra possessio ;
Et hanc da, Domine,

da nobis gratiam,
Poenam reis

ne reddas debitam,
Sed nomini
tuo da gloriam.

4. Apponis et scientiam,

Per quam flenda cognoscimus,
Consolaris per veniam,

Cum hanc primo fecerimus;
Et hanc da, Domine,

da nobis gratiam,
Poenam reis

ne reddas debitam,
Sed nomini
suo da gloriam.

5. Fortitudine roboras
Esuriem iustitiae,
Veri panis saturitas
Viaticum est animae;
Et hanc da, Domine,
da nobis gratiam,
Poenam reis

ne reddas debitam,
Sed nomini
tuo da gloriam.

6. Summum illud consilium
Das de misericordia,
Ut idem reddas praemium,
Vis hanc, non sacrificia;
Et hanc da, Domine,
da nobis gratiam,
Poenam reis

ne reddas debitam,
Sed nomini

tuo da gloriam.

7. Intellectus es spiritus,
Quo videtur divinitas
Mundi cordis luminibus,
Haec est regni sublimitas ;
Et hanc da, Domine,

da nobis gratiam,
Poenam reis
ne reddas debitam,
Sed nomini

tuo da gloriam.

8. Das tandem sapientiam,
Per quam fiant pacifici,
Nomen patris sanctificans,
In quo sint Dei filii;
Et hanc da, Domine,

da nobis gratiam,
Poenam reis

ne reddas debitam,
Sed nomini

tuo da gloriam.

9. Apostolorum precibus,

Quos bac in die consecras,
Isdem nos charismatibus
Confirma, quos regeneras
Illa septiformi,

quam habes, gratia
Contra septem

illa daemonia,
Cuius dona

bona sunt omnia.