54. (39.) De Beata Maria V.

1. O genetrix aetemi
Virgo Maria verbi,
Quae vox, quae lingua carnis
Par erit tuae laudi?

2. Tu nova maris stella.
Celsa poli fenestra,
Scala, quae caelum terris
Iungis, ima supernis.

3. Immensum concepisti,
Parentem peperisti;
Fit factor ex factura,
Creans ex creatura.

4. Quem mundus ferre nequit,
Totum vulva concepit,
Quo circumitur aether,
Puellae clausit venter.

5. Servi forma indutus,
Divina non exutus
Suscepit quidem tua,
Sed non amisit sua.

6. Oritur ortus rerum Fit antiquus dierum,
Orbis origo coepit
Factus ex bis, quae fecit.

7. Conceptus fecundavit,
Natus non violavit,
Intravit et exivit,
Sed clausam te reliquit.

8. Tu Aaron es virga
Fecunda, licet sicca,
Quae germen protulisti,
Sed virgo permansisti.

9. Te rubus praelucebat,
Qui ardens non ardebat,
Quae sine aestu mentis
Fructum dedisti ventris.

10. Et ante partum virgo,
Sed post virginum virgo,
Crevit in ortu prolis
Integritas pudoris.

11. Est angelorum cibus
Tuo lacte nutritus;
Qui mari praebet undas,
Papillae sugit guttas.

12. Ceris in sinu prolem,
Qui terrae librat molem,
Foves, a quo fovens,
Servas, a quo tueris.

13. Blandire, mater, caro,
Qui te creavit, nato,
Oscula grata fige,
Fasciis membra cinge.

14. Amplectere caelestem,
Quem genuisti, regem,
Cui servit sol et luna
Et omnis creatura.

15. Chori virtutum tremunt,
Quem viles panni tegunt,
Pavet caelum et terra,
Quem baiulat puella.

16. Vagit in sinu matris,
Regnat in throno patris,
Leges parentum servat,
Mundi iura gubernat.

17. Tu fontis fons viventis,
Oriens orientis,
Liber ille signatus
Lectori viro datus.

18. Tu porta templi clausa,
Superni regis aula,
Aerarium talenti,
Per quod sumus redempti.

19. Hortus deliciarum,
Odor suavitatum,
Tu ager ille plenus,
Cui benedixit Deus.

20. Ex te botrus egressus,
Qui crucis prelo pressus
Vino rigat arentes
Sancti spiritus mentes.

21. Es et terra caelestis,
Ferax lactis et mellis,
Ex qua veritas orta
Tollit errorum dogma.

22. Arcem nobilitatis

De prolis stirpe trahis,
Filia quidem regum,
Sed mater regis regum.

23. Salve iam, virgo feta,
Ave, gratia plena)
Nostrum Ave digneris
Ut illud Gabrielis.

24. Ille, dum te salutat,
Evae nomen commutat;
Reduc nos, virgo sancta,
Unde est nequam lapsa.

25. Tu solve, quod debemus,
Averte, quod timemus,
Impetra, quod optamus,
Perfice, quod speramus.

26. Sit salus trinitati,
Sit decus unitati,
Cui lex et ordo rerum
Per omne paret aevum.