275. (1.) De Beata Maria V.

1 a. lubilaeas excitent
exsultationes
In nobis dulcissimas

meditationes
De matre dulcedinis,
cui veri praecones
Vera dant praeconia.

1b. Cum abyssi faciem
caligo velaret,
Facta est lux, quae lucens

mundum illustraret,
De qua rerum artifex
solem post formaret
Ad mundi solacia.

2 a. Est ergo de lucida
nube sol formatus ;
Sic ex matre factus est

Christus incarnatus.
Lignum vitae germinat
hortus irrigatus
Leni rore gratiae.

2 b. Haec luna panselenos,
haec eclipsim nescit,
Luna sine macula,

quae nunquam decrescit ;
Haec est urna aurea,
qua manna dulcescit,
Haec turris constantiae

3 a. Haec est sponsi thalamus,
in quo deitati
Dum nupsit humanitas,

tam sunt inclinati
Caeli, quam sunt homines
Deo foederati ;

Felix matrimonium I

3 b. Haec est illa civitas
Dei gloriosa,
In qua pulchra singula,

cuncta gratiosa,
In qua porta clausa est
tota speciosa ;

Haec est spes fidelium.

4 a. Haec est urbs refugii
munita virtutum
Tutis propugnaculis,
in qua rei tutum
Asylum reperiunt,

dum ad matris nutum
Rite colunt filium.

4 b. Haec est arca foederis
tota deaurata,
A divinae gloria

lucis obumbrata ;
Sic et sancto spiritu
virgo fecundata

Rosam profert lilium.

5 a. Haec est illa Sunamitis
Speciosa, casta, mitis,
David calefaciens;

5 b. Paradisus voluptatis

Fructum profert sanctitatis
Mater virum nesciens.

6 a. Ex virga flos pullulat
illaeso nitore,
Scintillat igniculum

crystallus candore
Non remisso, sed nitente
solito de more.

6 b. Intrat vitrum radius
et non violatur
Vitrum ; sic castissima

verbo fecundatur
Illibato castitatis
primitivo flore.

7 a. Haec antiquis hostibus
Terribilis

Ut castrorum acies
Ordinata,

7 b. Haec supernis civibus
Amabilis,

Lucens ut meridies
Orbi nata.

8 a. Ergo, mater pietatis,
Munus tuae largitatis
Nobis des propitia.

8b. Stella maris, praebe lucem,
Ut sequamur Christum ducem
Ad caeli fastigia.