88 Acta Apostolicæ Sedis - Commentarium Officiale

CONGREGATIO PRO EPISCOPIS

TRENTONENSIS

De concathedralis erectione

DECRETUM

Ut spirituali Populi Dei bono aptius consulatur utque pastorale suum mi-

nisterium efficacius adimplere valeat, Exc.mus P.D. David Michaël O'Connell,

C.M., Episcopus Trentonensis, ab Apostolica sede expostulavit, ut templum,

Deo in honorem Sancti Roberti Bellarmini dicatum, in oppido vulgo nuncupato

Freehold exstans, ad dignitatem et fastigium ecclesiae Concathedralis eveheretur.

Congregatio pro Episcopis, praehabito favorabili voto Exc.mi P.D. Christo-

phori Pierre, Archiepiscopi tit. Gunelensis et in Civitatibus Foederatis Americae

Septentrionalis Apostolici Nuntii, vigore specialium facultatum sibi, a Summo

Pontifice Francisco, Divina Providentia PP. tributarum, oblatis precibus benigne

annuendum censuit.

Quapropter suppleto, quatenus opus sit, eorum interesse habentium vel habere

praesumentium consensu, praesenti Decreto, perinde valituro ac si Apostolicae sub

plumbo Litterae datae forent, decernit, ut, servata dioecesis Trentonensis Cathe-

drae episcopalis dignitate, memoratum templum Sancti Roberti Bellarmini titulo

ac fastigio Concathedralis ecclesiae condecoretur, cum omnibus iuribus, honoribus

et privilegiis ac oneribus et obligationibus quae huiusmodi ecclesiis sunt propria.

Ad haec perficienda Congregatio pro Episcopis memoratum Exc.mum P.D.

Christophorum Pierre, Nuntium Apostolicum, deputat, necessarias et opportu-

nas eidem tribuens facultates etiam subdelegandi, ad effectum de quo agitur,

quemlibet virum in ecclesiastica dignitate constitutum, onere imposito ad eandem

Congregationem, ubi primum fas erit, authenticum exemplar actus peractae

exsecutionis remittendi.

Datum Romae, ex Aedibus Congretationis pro Episcopis, die 3 Decembris 2016.

mArCuS card. ouellet Praefectus

c IlSon De JeSuS montAnArI a Secretis