76 Acta Apostolicæ Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

MANILENSIS

Beatificationis et Canonizationis Servi Dei Aloisii Schwartz Sacerdotis dioecesani

Fundatoris Congregationum Sororum Mariae et Fratrum Christi (1930-1992)

DECRETUM SUPER VIRTUTIBUS

« Pauperibus famulari Christi in nomine non est oblectatio, nec officium

levioris momenti, nec tandem pueriles ineptiae. Vis autem huius verbi est

constans dolor, incommodum, humilitas, poena et denique sacrificium. Uno

verbo, Crucem significat ».

Haec Servi Dei Aloisii Schwartz verba consentaneum vitae propositum

fuerunt, quae eum, toto mortali eius itinere, in sanctitatis viam fidenti

animo ac assiduitate percurrendo, illuminaverunt.

Servus Dei die 18 mensis Septembris anno 1930 Vashingtoniae, in Foe-

deratis Civitatibus Americae Septentrionalis, humili loco natus est, iam a

puero vocationis signa percepit et prima adulesce

ntia in Seminarium Sancti Caroli in terra v.d. Maryland ingressus est.

Studiorum et doctrinae cursum ille feliciter confecit et postea iuxta Belgicam

Universitatem Lovaniensem sicut socius illius sodalitii vulgo Societiées des

Auxiliaires des Missions Theologiae doctor renutiatus est.

Istis in annis, iuvenis clericus, omnia sua vacationis tempora delectatus est

consumere in subveniendo humilioribus civium et maxime scrutariis et derelictis.

Hac experientia, animo suo discernere de regimine vitae potuit, sacerdotium

suum ad ministerium pauperiorum omnino conferens. Ille Dominum eum vocare

ad presbyteratum plena indigentiae participatione in moralibus et materiali-

bus miseriis clare intellexit. Exagente peregrinatione iuxta Sanctuarium loci

Banneux, in quo cultus Beata Mariae Virginis Pauperum Matris servabatur,

Aloisius divina incitatione Matris Dei viam et consilium suscipere flagravit.