82 Acta Apostolicæ Sedis - Commentarium Officiale

SANCTI SEBASTIANI

Beatificationis et Canonizationis Servae Dei Cointae Jáuregui Osés, Religiosae Professae

Ordinis Societatis Mariae Dominae Nostrae (1875-1954)

DECRETUM SUPER VIRTUTIBUS

« Caritas numquam excidit » ( 1Cor 13, 8).

Haec sententia de caritate in corde resonavit Servae Dei Cointae Jáu-

regui Osés cum Dominum rogaret ut in eam tenuitatem caritatis infunderet.

Eius vivendi et agendi modus profundum reliquit signum in illis qui eam

cognoverant et, hanc ob rem, eam mulierem sanctam proclamaverunt. Cointa

patientiam emanabat, sui ipsius abnegationem atque sine limitibus dona-

tionem, semper cum humilitate quae eam admodum humanam reddebat

eodemque tempore sapientia fuit praedita quae illis tantummodo datur qui

se sentiunt repleri a quodam qui eos transcendit.

Serva Dei in Navarrensi loco v.d. Falces die 8 mensis Februarii anno 1875

est nata. In Hispania exeunte saeculo XIX et primo dimidio saeculi XX vixit,

aetate videlicet dissensione designata inter magnas scientiarum et technicae

progressiones atque ingentes regressiones duobus bellis mundialibus provo-

catas ac bello civili Hispanico. His in circumstantiis vita eius efformabatur.

In iuventute Deum veluti amorem cordis sui repperit, solum qui toti orbi

inter deletionem et violentiam iterum rationem praebere potuit. Dominum

amans, omnia reliquit ut eum sequeretur atque in Ordine Societatis Mariae

Dominae Nostrae eiusque missione educationis viam repperit ut desideria

sua ministerii et donationis ad effectum adduceret.

Cointa solidam accepit institutionem a sororibus a sancta Ioanna de

Lestonnac fundatis, ad quas tunc pertinere voluit. Omnes facultates desi-

derabat iuvenibus evangelizandis dicare per educationem quae provocatio-

nibus societatis illius temporis responderet. Virgo Maria exemplar exstitit

mulieris quod ipsa sequi conabatur quodque demonstrare aliis voluit feminis.

Die 18 mensis Octobris anno 1893 communitatem Tudelae ingressa est ut

religiosam formationem inciperet.

Varia explevit numera: lectiones puellis et iuvenibus, gubernationem,

administrationem, institutionem; in quibus obeundis suavitatem cum fir-

mitate valuit coniungere, animum cum magnanimitate, humilitatem cum