Congregatio de Causis Sanctorum 87

Aliae victimae fuere: Ioseph Carni Carni, in loco Aytona in Leridensi provincia, anno 1907 natus,

presbyter, Cistercensis Strictioris Observatione postulans, in pago suo mortuus est die 27 mensis Iulii anno 1936, paulo antequam in monasterium ingrederetur. Sclopeti ictibus peremptus est atque autocineti rotis quod tredecim chilometris usque ad compitum quoddam eum traxerat, elisus.

Michaëla Baldoví Trull, in loco Algemesi in Valentina provincia anno 1869 nata, monasterii abbatissa "Fons Salutis", atque Nativitas Medes Ferris, eius- dem civis, anno 1880 nata, monialis choro addicta eiusdem monasterii Algeme- si (Valentiae): in earundem familias, postquam e monasterio expulsae fuerant, perfugae, prehensae sunt atque sclopeti ictibus peremptae, altera nocte diei 9, altera 10 mensis Novembris anno 1936.

Servorum Dei martyrii fama in ecclesiali Communitate cum diffunderetur, apud ecclesiasticam Santanderiensem Curiam a die 15 mensis Iulii anno 1996 ad diem 9 mensis Ianuarii anno 1997 Inquisitio dioecesana instructa est, dum apud Curiam Archiepiscopalem Valentinam a die 31 mensis Ianuarii anno 1962 ad diem 15 mensis Maii anno 1963 iam Processus Ordinarius instructus fuerat. Die 1 mensis Decembris anno 2000 haec Congregatio validitatem iuridicam amborum Processuum comprobavit atque die 2 mensis Martii anno 2001 eorum concedebat coniunctionem. Exarata Positione, die 19 mensis Septembris anno 2013 Congressus Peculiaris Consultorum Theologorum peractus est, felici cum exitu. Purpurati Patres et Episcopi, in Sessione Ordinaria die 20 mensis Ianuarii anni 2015, cui egomet Card. Angelus Amatus praefui, agnoverunt eosdem Servos atque Servas Dei propter Christo et Ecclesiae fidelitatem suam enectos fuisse.

De hisce omnibus rebus, referente subscripto Cardinali Praefecto, certior factus, Summus Pontifex Franciscus, vota Congregationis de Causis Sanctorum excipiens rataque habens, hodierno die declaravit: Constare de martyrio eiusque causa Servorum et Servarum Dei Pii Heredia Zubía, Sacerdotis Professi Ordinis Cisterciensium Strictioris Observantiae, et XVII Sociorum eiusdem Ordinis atque Sociarum Congregationis Sancti Bernardi, in casu et ad effectum de quo agitur .

Hoc autem decretum publici iuris fieri et in acta Congregationis de Causis Sanctorum Summus Pontifex referri mandavit.

Datum Romae, die 22 mensis Ianuarii a.D. 2015.

AnGeluS CArD. AmAto, S.D.b. Praefectus

L. G S. G mArCelluS bArtoluCCI

Archiep. tit. Mevaniensis, a Secretis