74 Acta Apostolicæ Sedis - Commentarium Officiale

PAPALIS BASILICA SANCTAE MARIAE MAIORIS

RESCRIPTUM « EX AUDIENTIA SS.MI »

De Papali Basilica Sanctae Mariae Maioris

Visa opportunitate adaequandi Statutum Capituli Papalis Basilicae Sanc-

tae Mariae Maioris ad concretos eventus necnon sedulo inspecta urgente

necessitate defìniendi normas iam constitutas ne eveniant dubia interpreta-

tionis in illis ut quicumque agere recte possit in usu rerum sibi commissa-

rum, Romanus Pontifex in audientia hodierna concessa subscripto Cardinali

Archipresbytero Papalis Basilicae Sanctae Mariae Maioris disposuit quae

sequuntur:

1. Ad Articulum 2 Statuti Capituli Papalis Basilicae Sanctae Mariae

Maioris adnectitur novum §8, cuius textus est:

§8. Quotiescumque Cardinalis Archipresbyter prudenti in dubio fuisset de

opportunitate exsequendi aliquam decisionem deliberatam a Capitulo

Basilicae, ipse decernere potest suspensionem ad tempus illius decisio-

nis usque ad interpellandam de re Superiorem Auctoritatem.

2. Ad Articulum 77 Statuti Capituli Papalis Basilicae Sanctae Mariae

Maioris adnectitur novum §4, cuius textus est:

§4. Cardinalis Archipresbyter Papalis Basilicae Sanctae Mariae Maioris

statuit ex suo Decreto Normas Generales circa locationem a Basilica

institutam pro concedendis habitationibus Canonicis et Coadiutori-

bus necnon circa condiciones adimplendas in obtinendis domibus et

debita absolvenda ex parte beneficiariorum. Etenim cura ordinaria ad

servandam domum incumbit locatario, sed pro cura extraordinaria,

exempli gratia mutandi statum habitationis, erit requirenda adproba-

tio ad Officium competens Gubernatoratus Vaticani.

Romanus Pontifex iussit promulgationem per tabulas harum dispositio-

num in modifìcationem Statuti Capituli Papalis Basilicae Sanctae Mariae

Maioris ut hae normae valorem habeant ex hodie, ac disposuit insuper

publicationem in "Acta Apostolicae Sedis".