12. De Stigmatibus s. Francisci.
13. De Stigmatibus s. Francisci.
29. In Translatione s. Hedwigis.
51. In Decollatione s. Iohannis B.
53. De s. Iohanne ante Portam Latinam.
54. De sancto Iohanne ante Portam Latinam.
55. De Reversione s. Iohannis.
56. De s. Iohanne Chrysostomo.
57. De s. Iohanne Clusoniensi.
58. De s. Iohanne Eleemosynario.
75. De s. Katharina de Suecia.
De sancta Margareta.
In 1. Vesperis.
R. O novella
Lacis stella,
Late fundens radium,
A procella
Nos, puella,
Duc ad vitae stadium;
V. Deo caeli placuisti,
Pro quo laete subiisti
Passionis gladium.
Ad Magnificat.
A. Mens adplaudat voci laete
Sacrosanctae Margaretae
Psallenti victoriam,
Non sit memor vitae spretae,
Sed se totam det dietae
Tendenti ad gloriam.
Ad Matutinum.
Invitatorium.
Laus invitatoria
Regi regum detur,
Et pro sponsae gloria
Sponsus adoretur.
In 1. Nocturno.
Antiphonae.
1. Haec ab Antiochia
Deo placens nata
Fit sanctorum socia
Per bella beata.
2. De prudentum numero
Esse figuratur,
Dum ad caulas humero
Perdita portatur.
3. Crescit virgo sapiens,
Fide roboratur,
Christum intus capiens
Christo famulatur.
Responsoria.
1. Dum Olybrius praefectus
Cernit pulchram facie,
Mox inflammat hunc aspectus
Iuvenilis gratiae,
V. Servos mittit ad electam,
Ut adducant hanc perfectam
Puellari acie.
2. Comprehensa Margareta
Viro contumaciae
Non oboedit nec decreta
Sequitur fallaciae,
V. Pensat fide, pensat voto,
Quod resistat corde toto
Potentis audaciae.
3. Deos vanos non adorat
Filia gentilium,
Christum colit, hunc implorat
Postulans auxilium;
V. Carcerata, virgis caesa
Miro modo, licet laesa,
Laudat Dei filium.
In 2. Nocturno.
Antiphonae.
1. Sponsa Christi nobilis
Nimium afflicta
Permanet immobilis
Fide non relicta.
2. Iudicis blanditias
Horret et affatus,
Nullas hic delicias
Curat coniugatus.
3. Nil minarum vastitas
Prodest, nam decora
Ut servetur castitas,
Omni petit hora.
Responsoria.
1. Rursus virgo carceratur,
Et haec est eius cena:
Panis, aqua ministratur,
Sub hac manet habena;
V. Praeses iubet, ut claudatur,
Usque dum discutiatur,
Qua consumatur poena.
2. Dum in cella tenebrosa
Attente fundit precem,
Circa eam pars exosa
Stans eructat faecem,
V. Draco quidem cum serpente
Sua fauce, sua dente
Ad eius hiat necem.
3. Hanc utique concedimus
Precatu valuisse,
Quam signo crucis credimus
Draconem occidisse,
V. Per medium divisus est,
Dum visus est, dum nisus est,
Absorptam perdidisse.
In 3. Nocturno.
Antiphonae.
1. Hostis ab obstaculo
Virgo contremiscit,
Absorpta signaculo
Crucis reviviscit.
2. Signum salutiferum
Vere est beatum,
Per hoc ens mortiferum
Fugit superatum.
3. Hostem virgo Domini
Raptum per capillum
Quasi parem bomini
Iugo calcat illum.
Responsoria.
1. Ad tribunal praesentata
Iudicis potentiae
Capitali iudicata
Subditur sententiae,
V. Fusa prece decollata,
Caelos scandit laureata
Custos innocentiae.
2. Haec, ut gesta res explanat,
Fulget adminiculo,
Corpus eius tactum sanat
Omnes a periculo;
V. Sunt obsessi, sunt contracti,
Sunt haerentes sani facti
Funeris lecticulo.
3. Laudei os dilectionis
Deum cum frequentia,
Qui est trinas in personis,
Unus in essentia,
V. Qui, ut ditet sanctos donis
Et nos salvet his patronis,
Affluit clementia.
Ad Laudes.
Antiphonae.
1. Carnem, mundum, daemonem
Vicit Margareta,
Tota sancti spiritus
Munere repleta.
2. Huius deprecatio
Deo est accepta,
Quia precum ratio
Vota est adepta.
3. Tantis signis claruit
Ista data neci,
Ut per eam salvi sint
Muti, surdi, caeci.
4. Spiculator virgine
Dolet interfecta,
Dolens se interficit
Et fit pars adiecta.
5. Laudet Christi martyrem
Chorus angelorum,
Quia supplet numerum
Defectus eorum.
Ad Benedictus.
A. Haec est virgo gratiosa,
Quae virtute fractuosa
In mundo militavit,
Nam ut salus sit in domo,
Ne nascatur claudus homo,
A Deo impetravit.
In 2. Vesperis.
Ad Magnificat.
A. Virgo Christi, Christo cara,
Inter Sion claras clara,
Nos, quo clares, fungi para
Claritatis speculo;
Quam elegit, quam amavit,
Te columba visitavit
Et beatam praesignavit
Sempiterno saeculo.