85. De sancto Leonhardo.
In 1. Vesperis.

Antiphonae.

1. O Leonharde pater,

Francorum stirps generosa,
Nexus tolle malos

et submove cuncta perosa,
Peccati vinclis,

pastor benedicte, tuere,
Ut Christo corde

puro possimus placere.

2. Angelicis manibus

ad caeli culmina ductus
Intravit gaudens

sanctorum milia cernens.

3. In supera sidera

magno susceptus honore,
Quod prius hic in spe,
modo vera conspicis in te.

4. Abbas abditas

susceptus caelitus odas,
Commenda nostros

Domino, pater inclite, coetus.

5. Iam cernit Christum

regem dominumque polorum
Majestate sua

disponere saecula cuncta.

In 1. Nocturno.
Antiphonae.

1. Ecclesiae proles

Christo canat inclita laudes,
Qui dedit angelica

Leonhardo praemia vitae.
2. Virtutum titulis

resplendet turba fidelis
Sanctorum patrum

Christi mandata sequentum.

3. Postquam factus adulescens
evasit infantiam,
Frequentare temporalem
noluit militiam.

Responsoria.

1. O Leonharde tuos,

en, quaesumus, aspice servos,
Ut, qui festa tua

celebramus corde fideli,
Latorem vitae

digni mereamur adire
V. Magnificansque bonis

semper potiamur habendis.

In 2. Nocturno.
Antiphonae.

1. Desertus vicus,

monachus vult esse pudicus,
Vivere mendicus
Domino spiritalis amicus.

2. Sanctitatis ejus fama
crescente in Gallia
Multi ab illo sumebant
salatis remedia.
3. Iam sublimatus

propter verba bona beatus,
Hanc contempsit vitam
Christo totus regi datus.

Responsoria.
1. Per te nos miseros,

pater et venerande sacerdos,
Iungens ad superos
protege nos famulos,
V. Ne condemnemur,

quod iniqua gerendo mere-
mur.
2. Ordo serenorum

cum clero nunc monachorum
Flet nequam gesta

merito recolens tua festa,
V. Sed quis cunctatur,

quod solvi non mereatur?

In 3. Nocturno.

Responsoria.

1. Signum admirabile

Servis suis dedit Dominus,

Ubi requiescere

Deberet sanctus Leonhardus;
V. Cecidit nix altissima

In tota fere provincia,

Locus autem omnino

Apparuit vacuus.

2. O pater insignis,

rutilans per saecula signis,
Te, cui vota damus,

Leonharde beate, rogamus,
Aufer ab his poenas,

in carcere solve catenas.
V. Esto memor memorum,

nexus dissolve reorum,
Sintque triumphantes

natale tuum venerantes.