95. De sancto Luthardo.

In 1. Vesperis.
Antiphonae.
1. Salve, sancte pater,

Christi praecelse minister,
Inclite Lutharde,

peccati vincla resolve.
2. Sanctitate quidem

virtutum praevius idem
Iure sequendus iter

declarans clare magister.
3. Vere Dei famulus,

qui carnis respuit actus,
Sanctarum sanctis

virtutum splenduit actis.
4. Phoebo splendidior

rutilans, mitissime rector,
Ante pium Christum,

mundum qui condidit istum.
5. Dans constanter opem

languentibus atque salutem,
O venerande comes,
conserva te venerantes.
R. Ad laudem Christi

psallentes caelitus isti
Sancto multimodas
pangamus vocibus odas,
V. Unanimes Christo

psallentes pectore toto.

Ad Magnificat.
A. Adest beati Luthardi
lure veneranda dies,

Qui regum nobilis
Nobilium suboles,
Vitae aeternae palmam
Iam a Christo laetus suscepit
Cursu peracto feliciter.

A d Matutinum.

Invitatorium.
Surgite, cantemus

et corde pio iubilemus
Luthardo sancto,

iungi mereamur ut agno.

In 1. Nocturno.

Antiphonae.
1. Salve, sancte pater,

Christi praecelse minister,
Inclite Lutharde,
peccati vincla resolve.
2. Sanctitate quidem

virtutum praevius idem,
Iure sequendus, iter

declarans clare magister.
3. Vere Dei famulus,

qui carnis respuit actus,
Sanctarum sanctis
virtutum splenduit actis.

Responsoria.
1. Nobilibus natalibus
Ortus fuit Luthardus,

Sed nobilioribus
Refulsit moribus,
Adhuc puerulus deitatis
Effectus est cultor sublimis,
V. Tanto feliciorem

se probans et nobiliorem.
2. Hic dives mundi

proiecit dulcia mundi,
Propterea meruit

adipisci gaudia caeli;
V. Parva quidem terrena putat,
caelestia captat.

In 2. Nocturno.
Antiphonae.

1. Phoebo splendidior

rutilans, mitissime rector,
Ante pium Christum,

mundum qui condidit istum.
2. Dans constanter opem

languentibus atque salutem,
O venerande comes,
conserva te venerantes.
3. Caelica, Christe, tuis

qui praestas praemia sanctis,
Protege Luthardi
venerantes festa beati.

Responsoria.

1. O imitabilem virum

Et verum Christi famulum,
Qui pro Christo opes respuit,
Quas copiosas habuit;

V. Patrocinio ergo huius

Nos iuvari posse credimus.
2. Hic prudens....,
Obtulit ecclesiae,
Qui se Deo primitus,
Postea sua contradidit,

V. Corpus mactans ieiuniis,
Conferens opes ecclesiis.

3. Ora pro tuis famulis
Semper tibi devotis,
Electe Christi confessor,
Qui es regni possessor,

V. Transfer tuam familiam
Ad eandem gloriam.

In 3. Nocturno.
Antiphonae.
1. Insignis consul,

quamvis iam corpore exsul,
Hanc miserando tamen
devotam respice plebem.
2. Sanctus Luthardus,

regali stemmate natus,
Christo servivit,

cuius praecepta subivit
Pectore devoto

prudenter cordeque toto.

Responsoria.
1. Cultor iustitiae,

pietatis verus amator,
Egregius miles

Domini super astra levatur,
V. Cuius vita bona

meliore fine beatur.