12. De Stigmatibus s. Francisci.

In 1. Vesperis.
Antiphonae.

1. Franciscus, vir Seraphicus,
Contemplator hierarchicus,

Dum Christum speculatur,
Seraph sub mira specie
Crucifixi effigie

In carne consignatur.
2. Coepit Christi militiam
Mundique spernit gloriam

Caelitus illustratus,
Dum crucis arma sumere
Perfecto studet opere

Divinitus vocatus.
3. Hunc sanctum Ghristus patulo
Trino crucis oraculo

Vocat ad reparanda
Crucifixi vestigia,
Cuius portat insignia

In corpore miranda.
4. Franciscus dum salvificum
Dei signum vivificum

Portat in carne mirum,

Hostis fugat potentiam
Et draconis saevitiam

Virus fundentem (lirani.
5. Hic creatoris opera

Monstrat in carne, vulnera

Dum gestat redemptoris,
Novoque fit miraculo
De cracis Iesu titulo

Decenti salvatoris.

Ad Magnificat.

A. Caelorum candor splenduit,
Novum sidus emicuit,
Sacer Franciscus claruit,
Cui Seraph apparuit
Signans cum charactere
In volis, plantis, latere,
Dum formam crucis gerere
Vult corde, ore, opere.

Ad Matutinum.
Invitatorium.

Regi, qui fecit opera,
Christo confiteantur,

Cuius in sancto vulnera
Francisco renovamur

In 1. Nocturno.
Antiphonae.

1. Hic vir edoctus caelitus,
Inclutus armis lucis,
Mundum relinquens penitus
Sumpsit vexillum crucis.

2. Excelsi iussum sequitur

Hic Christum crucifixum,
Cui mente configitur
Cruci cor gerens fixum.

3. Mansuescit, dum in melius
Vitam iusti mutavit
Mente trineque monitus
Dei templum fundavit.

Responsoria.

1. Franciscus ut militiae

Ad decus evocatur,

Sumens arma iustitiae

Signo crucis armatur,
Cuius forti potentiae
Virtute proeliatur;
Y. Princeps in Christi acie
Armis in crucis specie
A Christo decoratur.

2. Dum puro mentis oculo
Divina contemplatur,
Fixum crucis patibulo

Hic Christum speculatur,
Cuius amoris iaculo
In corde vulneratur;
V. Ut crucem corde sedulo
Tollat relicto saeculo,
Caelitus informatur.

3. Dum in crucis mysterio
Ferventer meditari

Coepit, crucis eloquio
Meruit informari,

Ut domum Dei studio
Reformet exemplari;

V. Quam suae mortis pretio
Christo sacro commercio
Redemit singulari.

In 2. Nocturno.

Antiphonae.

1. Pertractum crucis studio
Transfixum demonstravit
Christus hunc crucis gladio,
Hostem per quem pro-
stravit.
2. Iam Christum liber sequitur
Cunctis exoneratus,
Cuius veste contegitur
Signo crucis armatus.
3. Ductus ad crucis studia
Hic semper meditatur
Christi passi vestigia,
Frequenter ut sequatur.

Responsoria.

1. Docet cum efficacia

Verbum crucis per opera,
Quae verbis adtestatur,
Virtute firmans praemia
Pro Christo ferens aspera
In cruce gloriatur,
V. Crucifixi memoria

Transfixa portans viscera
Mirifice monstratur.
2. Fulgentis luce aurea

Crucis virtute caelitus
Ex ore procedentis
Francisci vis tartarea
Fugatur et exercitus
Draconis saevientis,
V. Lux effulsit aetherea

Ceditque draco territus
Crucis signo splendentis.
3. De crucis sacro titulo
Dulcis Iesu eloquio
Dulci dum praedicatur,
Novo clarens miraculo
Distans fratrum collegio
Hic mire praesentatur,

V. Tensus ut in patibulo
Crucis Iesu supplicio
Passi configurantur.

In 3. Nocturno.
Antiphonae.

1. Cor verbis evangelicae
Confirmat lectionis
Proponens, ut dominicae
Sit consors passionis.
2. Pacem, salutem praedicat
Sigillum dans salutis
Et crucis viam indicat
Praebens normam virtutis.
3. Ut novis Christi semitis
Viam vitae monstravit,
Signo crucis et meritis
Hostem nostrum prostravit.

Responsoria.

1. Dum orans cernit aethera
Christum videns in aera
More Seraph insolito,
Hic manus, pedes opera,
Latus portat et viscera
Dei transfixi digito;
V. Iesu Christe, per vulnera
Francisci nostra scelera
Nobis laxans nos libera
Aeternae mortis debito.
2. De monte Dei mystico
Perfecto legis tempore
Mundi perlustrans climata
Descendens fert mirifico
Seraph impressa opere
Iesu in carne stigmata;
V. Igne ardens prophetico,
Signo clarens deifico
Divino prodit munere
Mira Dei charismata.

In Laudibus.

Antiphonae.

1. Sanctus Franciscus praeviis
Crucis clarus mysteriis
Dum Christi gloriatur,

In cruce novo munere
Miro virtutis opere
Christo configuratur.

2. Hic praedicando monuit
Christumque passum docuit,

Quem solum se sitire
Et voce clamat sitiens
Crucisque fructum cupiens
Conatur reperire.

3. Tres ordines hic statuit,
Crucis dum iussis claruit

Petri sequens exemplum,
Sic tria tabernacula
Sub trina fundans regula

Reparat Deo templum.

4. Datus doctrinae spiritus,
Virtute doctus caelitus,

Docet crucis virtutem,
Crucis signo mirifico
Viget actu salvifico

Cunctisque dat salutem.

5. Laudans laudare cupiens,
Vivens etiam moriens

Christi virtutem crucis,
Dum cancellatis brachiis
Sic benedicens filiis
Tendit ad regnum lucis.

Ad Benedictus.

A. O martyr desiderio,
Francisce, quanto studio
Compatiens hunc sequeris,
Quem passum libro reperis,
Quem aperto scivisti,
Tu contuens in aere

Seraph in cruce positum
Extunc in palmis, latere
Et pedibus effigiem
Ferens plagarum Christi;
Tu gregi tuo provide,

Qui post felicem transitum
Clare prius ac vivide
Glorificatae speciem
Carnis praetendisti.

In 2. Vesperis.
Ad Magnificat.
A. O magnum signiferum
Novo regis charactere
Volis, plantis, latere
Christi consignatum,
O vexillum vulnerum
Iesu ferentem corpore,
Miro Seraph opere
Signis decoratum,

O verum luciferum,

Fulgentem mundi vespere
Splendentem in aethere
Sole perlustratum,
O Francisce, pauperum
Pater, iam regnans pros-
pere
Nos exaudi propere
Regnum dans optatum.