74. De sancta Katharina.

In 1. Vesperis.
Antiphonae.

1. Gratulemur in honore
Katharinae virginis,

Quae divino plena rore
Non curans propaginis,

Tota mentis in ardore
Sprevit culpam criminis.

2. Opes mentis praeelegit,
Quibus totam se subegit

Sub carnis victoria,
Nexus mundi fortis fregit
Nec cum mundo quidquam
egit,
Mundi carens gloria.

3. Virgo prudens anhelavit
Ad sedem sideream,

Ubi locum praeparavit

Linquens orbis aream,
Granum sibi reservavit

Ventilando paleam.
4. Disciplinis est imbuta

Puella caelestibus,
Nuda nudum est secuta

Certis Christum passibus,
Dum mundanis est exuta

Vacuis honoribus.
5. Virgo Deo decorata

Fidei signaculo
Et in monte collocata,

Divino miraculo
Nos expellas vita grata

Mortis ab umbraculo,
Ut in summi sit purgata

Regis habitaculo.

Ad Magnificat.
A. Decoretur dies ista
devotis obsequiis,
Sic vox sonet, ut mens clamet

internis praeconiis,
Dum beatae Katharinae

detenti sollemniis
Promoveri flagitamus
eius patrociniis.

Ad Matutinum.
Invitatorium.
Regi summo iubilemus

in triumphis virginum,
Quem in choris coronata

beatorum agminum
Laudat virgo Katharina
dominorum dominum.

In 1. Nocturno.
Antiphonae.
1. Generosi Katharina

stirpe ducta sanguinis,
Sic regalis est sortita
seriem propaginis,

Ut in illa memor esset

caelestis originis.
2. Illa nihil amplexata

de parentum opibus,
Disciplinis est imbuta

primo saecularibus,
Tuis, Christe, meditata

tandem in sermonibus.
3. Dum profanis immolaret

idolis Maxentius,
Ad conspectum virgo regis

prorumpens audentius
Diligenter explanavit,

quid esset salubrius.

Responsoria.

1. Cum dominante manu

premeret Maxentius orbem,
Urbs, ab Alexandri

quae sumpsit nomine nomen,
Martyrii didicit

Katharinae sanguine for-
mam,
V. Urbs provecta suae

meritis et dogmate civis.
2. Haec verae fidei

sacris edocta magistris
Audet Caesareae

sectam subvertere legis,
Cum metus omne genu
curvaret ad idola regis,
V. Nec vitium propriae

virgo sapit unica gentis.
3. Rex decies quinos

iubet adventare sophistas,
Discutitur verum,

docte Katharina perorat,
Illi martyrii

pariter sumpsere coronas;
V. Sic infirma, Deus,

recipis, sic fortia frangis.

In 2. Nocturno.
Antiphona.
1. Non est, inquit, rationis
plures Deos colere

Nec in turbam deitatem
simplicem distrahere

Sive cultum creatoris
creatis impendere.

2. Ad conflictum provocati
quinquaginta rhetores,

A puella superati
facti sunt mediocres,

Mox a Deo decorantur
deorum immemores.

3. Virgo fame tenuata
victu sacro pascitur,

Botis quoque destinata
caelitus eripitur

Et adversus saevientes
ubique consulitur.

Responsoria.

1. Ergo bis senis

virgo veneranda diebus
Carceris horrori

committitur indiga victus,
Caelicus adveniens
reficit ieiunia pastus;
V. Disponit clausae

panis bona prandia vivus.

2. Virginis exitio

fit machina saeva rotarum,
Angelico pulsu

perit ingens turba virorum,
Sic non imminuit

corpus mala fabrica sanc-
tum,
V. Ut quondam pueris

fornax Chaldaea pepercit.

3. Quam tua distribuis

occulte dona, redemptori
Principe caecato

lumen sua suscipit uxor,
Saucia reginae

grassatur ad ubera tortor,
V. Sic regem spoliat,

sic sancta virgo triumpha

In 3. Nocturno.
Antiphonae.

1. Regis uxor adquiescit
puellae consilio,
Fide plena mortem subit

sequente Porphyrio,
Regna terrae pro caelesti
commutant palatio.

2. Tandem cursu consummato
Christo virgo redditur,
Et lictori mancipata

ferrum cervix patitur,
Lac pudoris argumentum
pro cruore funditur.

3. Angelorum Dei nutu
sacer chorus adfuit

Et minister sepulturae
Sina montem tenuit,

Iugi lapsu de sepulcro
liquor pacis effluit.

Responsoria.
1. Rex graviter passus

molimina vana perire,
Virgineam litem

statuit praescindere morte,
Fortiter abiecta

felix cadit hostia carne,
V. Emeritae bravio

minime fraudata coronae.
2. Candida cum saevo

cervix procumberet ictu,
Disponente Deo

patuit res digna relatu,
Lacte sacro vulnus

nituit prae sanguinis haustu;
V. Candorem mentis

signat perfusio lactis.
3. Dum bene siderea

frueretur spiritus arce,
Glorificat caram

memorando Christus honore,
Sistitur in Sinai
sancto dignissima monte,

V. Cuius tumba sacrum

fluxu largitur olivum.

In Laudibus.

Antiphonae.

1. Plebs fidelis hoc sollemne
devote suscipiat
Et in laudes Katharinae

virginis proficiat,
Quae nos summae maiestati
benigne conciliat.

2. Dum offerret suae carnis
virgo sacrificium,
Manus mundas ad caeleste

pandens sanctuarium,
Preces fudit interpellans
pro salute gentium.

3. Hanc ancillam tuam, Christe,
praevenito gratia,
Ut te Deum invocemus

cum eius memoria,
In adversis liberatrix
visitet potentia.

4. Vox de caelis in turbarum
est audita medio,
Qua benigne confirmatur
indulta petitio,

Ergo votis insistamus

iam certi de praemio.
5. Dum in sancta Katharina,

iesu Christe, coleris,
Memor esto verbi tui,

memor esto muneris,
Quod oranti contulisti,

spes humani generis.

Ad Benedictus.

A. Benedicta sit immensa

sempiterna trinitas,
Quam cognovit inter gentes

Katharina perditas,
Quod nec sexus nec aetatis

amovit fragilitas,
Sed honore passionis

est usa virginitas.

In 2. Vesperis.
Ad Magnificat.

A. Veneranda Katharina

probatique meriti,
Cleri tui recordare

populique subditi,
Ut qui lege peccatorum

tenemur suppositi,
Te iuvante solidemur

virtute paracliti.

In 1. Vesp. B,

2. Pulchritudo virginea,
Columba Christi nitida,
Nos, Katharina, servulos
Fac humiles et splendidos.

3. Post plurima supplicia
Martyr alma [Katharina]
Ad decollandum est ducta,
Ad caelum tendens oculos

Collum submittit gladio,
Orans dat gloriam Deo.

4. Exspecto pro te gladium,
In paradiso spiritum
Colloca pacatissimum
Et fac misericordiam
Meam agentibus memoriam.

In Laud. Ad Bened.

hat B folgende A:

Benedictus Dominus, qui mirificavit

Signis mirabilibus dilectam, quam amavit,

Katharinam virginem, eam visitando

Et carceris caliginem lumine vocando [l.: fugando].

In ipsa signum gratiae amplius illuxit,

Cum lac pudicitiae pro sanguine effluxit.

De hac fluens oleum, signum pietatis,

Quod turbis est fidelium causa sanitatis.

Exauditur propere bonitate Christi,

Dum affatur libere: tene, quod petisti,

In perenni gaudio Deum contemplando

Ibique absque termino sanctis corregnando.

In 2. Vesp, ad Magn. A

R. Salve praedigna, mitis, castaque benigna,

Mortis a ruina nos defende, Katharina,
V. Sponsa Deo grata, super astra deducta beata.