81. De sancto Lamberto.

In 1. Vesperis.
Antiphonae.

1. Gloriosa rutilat

Lamberti victoria,
Laudes Deo iubilat
Mater Sion ecclesia.
2. Vere digna recolatu
Martyris memoria,
Saeculi prostrato statu
Palmae freti gloria.
3. Lambertus is, patriae
Praesul et lucerna,
Viam suis gratiae
Monstrat ad superna.
4. Quam diversa per hunc mira
Portendisti, Domine,
Qui pro tuo mortis dira
Libens tulit nomine.

5. Praesul sanctus adhuc anctus
Puerili gremio,
Viridio semper pio
Cohaerebat studio.

R. O coruscans margarita,
Bone dux Lamberte,
Te canentes ab hac vita
Peccati converte
Per tuam virtutem;
Mentem piam miseris,
Nobis tuis posteris
Donans et salutem.
V. Omni clero cultu vero
Sub hoc die melodiae
Psallenti praeconia
Tibi fer auxilia
Vultu diligenti.

Ad Magnificat.

A. Magna vox laude sonora
te decet per omnia,
Quo poli chorea gaudet

aucta tali compare,
Terra plaudit et resultat,
digna tanto praesule,

O sacer Lamberte martyr,
nostra vota suscipe.

Ad Matutinum.
Invitatorium.

Christo regi iubilemus
Regnanti per omnia

Et Lamberto decantemus
Psalmorum sollemnia.

In 1. Nocturno.

1. Lambertus insignium
Ortus est ex genere,
Terrae Traiectensium
Claro micans sidere.
2. Hic a pueritia

Datus sacris artibus
Cunctos in scientia
Vincit et virtutibus.
3. Tot et tantis donum

titulis beat istum natura,
Quod se felicem

subolis iactat huius figura.

Responsoria.

1. Claruerant dignitates
In Lamberto variae
Parentum sublimitates,
Rarae formae venustates
Et quam plures aliae;
V. Fide quidem arduus
Erat, spe conspicuus,
Caritate strenuus.
2. Puerile hic servile
Iugum iam exutus
Disciplinas est divinas
A Theodardo praesule
Summe consecutus;
V. Quem antistes ob amorem

Optat sibi successorem.
3. Virum hunc egregium
Sedis Traiectensium
Vacante pastoratu

Cleri desiderium
Per assensum regium
Sublimat praesulatu;
V. Idem poscunt fieri
Optimates, liberi,
Senes atque pueri.

In 2. Nocturno.
Antiphonae.

1. Pastor iste sacrae legis
Normam suam edocens
Semper curam dati gregis
Gerit fraudis innocens.
2. Nati quidam scelerum
Sanctum persequuntur
Nec eventum prosperum
Patris patiuntur.
3. Hinc collecto concilio

Iactus sedis ab honore,
Secedit absque vitio
Exsul Deo conductore.

Responsoria.

1. Exsul orbis in stadio
Ne cursum extendat,
Stabulio coenobio

Fratrum se commendat,
Abbatis imperium

Colens nolens
Suae esse voluntatis.
V. Annis, Christe, tibi

sub hac forma servit ibi.

2. Nocte surgit media
Sanctus, ad officia

Precum properatur,
Sotular dilabitur,
Manu fragor redditur,
Abbas excitatur,
V. Cruci stare mittitur,

Nudis plantis incedit,
Nix ad terram funditur,
Iussis tamen oboedit.
3. O Christi clemens bonitas,
Quem compungis, mox visitas
Iuxta pii patris morem,

Nam subrogatus pellitur
Praesulisque reducitur

Sedis thronum in priorem,
V. Et regresso praesuli
Pangunt laudes iubili
Subditorum singuli.

In 3. Nocturno.
Antiphonae.

1. Hoc patrono convalescit
Mens ancta fidelium,
Et malorum contabescit
Vis et vigor omnium.
2. Errorem idolatriae,

Qui dudum derelictus
Est terrae Texandriae,
Damnat vir invictus
3. Istos monet quaerere
Bonum aeternale,
lubet illos fugere
Malum gehennale.

Responsoria.

1. Hinc ulturus proximorum
Dodo sanguinem suorum
In Lambertum saevit ira,
Vallans aedem turma dira,
Quam sanctus ingreditur;
V. Aptos bello conglutinat,
Praesulem morti destinat
Et eum mox prosequitur.
2. Sanctus in cubiculo
Dum orat intente,
Fossus caput iaculo
Deo disponente
Sic martyr effectus,
Ad perennem et sollennem
Thronum est evectus,
V. Angelorum coetibus
Et sanctis caelestibus
Congregatus civibus.
3. Quanta fulget dignitate
Signorum hic, claret late,
Cum quo regnat iam in caelis,
Corpus huius angelis

Commendatur et servatur
Mira vocum dulcedine
Functum terrae tegmine.
V. Vere dignus hac opera,
Qui temnens vitae prospera
Martyr scandit aethera.

In Laudibus.
Antiphonae.

1. Regnanti laudum modulos

Christo profiteamur,
Sancti virtutum titulos

Martyris exsequamur.
2. Ad cuius tumbae refugium

Currentes aegroti
Salutis praesidium

Sumunt spe devoti.
3. Hic Deus per miracula

Quae frequenter ostendit,

Se virtus in saecula
Pontificis extendit.

4. Mutis linguam reserat,
Caecis lumen condonat,
Claudis gressum alterat,
Punctos fide coronat.

5. Hinc ad viri gloriam
Eodem in statu
Struit plebs ecclesiam
Pulchro tabulatu.

Ad Benedictus.

A. Congratulemur hodie
Lamberti memoriae

Triumphum agentes,
Ut ab hostis acie
Nos ereptos gratiae
Diae pie

Commendet petentes.