39. De sancto Hieronymo.

In 1. Vesperis.
Antiphonae.

1. Eximius ecclesiae

Sanctus doctor Jeronymus
Fulsit divino munere
Signis, doctrina, moribus.

2. Mentis simul et corporis
Ditatur pudicitia,
Humilitatis spiritu,
Fide, spe, patientia.

3. Plura dictat volumina,
Exponit evangelia,
Ad vitam ducit invios,
Firmat in fide dubios.

i. Bona contempsit penitus
Pro Christo transitoria,

Spem ponens in caelestibus,
Manum misit ad fortia.

5. Deo placere studuit
In cunctis suis actibus,
Plenus dierum obiit
Fatigatus laboribus.

Ad Magnificat.

A. Alme redemptoris

confessor, virgo pudice,
Doctor et ecclesiae,

maior cui nullus in orbe,
Praecellens operum

cunctorum forma bonorum.
Ducens angelicam

mortali corpore vitam.

Suscipe vota, preces,

Domino nos reddito gratos
Et tibi devotos

facias sine fine beatos.

Ad Matutinam.

Invitatorium.

Corde et ore simul

iubilemus cuncta regenti,

Ieronymo sua pro meritis
nunc praemia dantis.

In 1. Nocturno.
Antiphonae.

1. Mente simul et corpore
Vir iste salutiferum
Fructum fecit in tempore
Velut lignum fructiferum.

2. In timore servit Deo,
Cuius praecepto docuit
Clerum, zelator domus suae
Lascivitatem corripit.

3. Tribulatur ab impiis,
Effugatur in Bethlehem,
Ubi diebus plurimis
Vitam peregit caelibem.

In 2. Nocturno.
Antiphonae.

1. Vanas opes et culmina
Huius contempsit saeculi
Cunctaque vitat crimina
Amore filii Dei.

2. Scuto munitus fidei
Expugnabat haereticos,
Zelo amoris proximi
Increpabat et impios.

3. Parumque minor angelis
Natura, vita similis,
Mirabilis virtutibus
Fulsit doctrina, moribus.

In 3. Nocturno.

Antiphonae.

1. In scriptis suis verior,
Sensu verborum clarior
Cunctis fuisse dicitur
Tribusque linguis loquitur.

2. Magnis potitur praemiis
Trino fruens et simplici,
Coronatus pro meritis
Sursum nunc serto duplici.

3. lesus, virtutum dominus,
Rex sempiternae gloriae,
Ieronymi det precibus
Regna caelestis patriae.

In Laudibus.

Antiphonae.

1. Congratulentur hodie
Omnes simul ecclesiae,
Caelos dum scandit inclitus
Harum doctor Hieronymus.

2. Improperanter dominus

.....legis aemulus

Fit ob hoc caesus nimium.

3. Splendor est patientiae,
Virginitatis speculum,
Exemplar innocentiae,
Forma virtutum omnium.

4. Ecclesiae praefulgida
Lampas, columna aurea,
Quantoque magis tunditur,
Tanto minus confunditur.

5. Huic ferox fera rugiens,
Leo ad nutum serviit,
Qui iugiter oboediens
Dei mandatis exstitit.

Ad Benedictus.
A. Templum fuit speciale
Dignitatis, virginale

Gratum munus obtinens,

Decus quoque doctrinale.

Nos beatos faciens
Fuit in sensu morali,

Mystico et literali
Eruditor eminens.