1032 Acta Apostolicae Sedis - Commentarium Officiale

GOIASENSIS

Beatificationis et Canonizationis Servi Dei Pelagii Saúter Sacerdotis Professi Congregationis SS.mi Redemptoris († 1878-1961)

DECRETUM SUPER VIRTUTIBUS

« Ecce ego, mitte me » ( Is 6, 8).

Missionaria Prohetae Israel vocatio in experientia Servi Dei Pelagii

Saúter, « Apostoli Goiasensium » recte appellati, magnopere resonat. Ille

ardenti fide ac magnanima actione apostolica sensum vitae in Domini se-

quela invenit et complevit.

Servus Dei die 9 mensis Septembris anno 1878 in Germanico oppi-

dulo vulgo Hausen am Thann natus est atque triduo post baptizatus. A

parentibus est bene institutus; alius quoque frater, cui nomen Gaspar, est

deinceps factus sacerdos e Congregatione Sanctissimi Redemptoris. Anno

1892 Pelagius Primae Communionis et Confirmationis sacramenta recepit.

Biennium in officina ferraria tirocinium explevit, sed vocationis signa

ad vitam religiosam mox percepit. Quapropter anno 1895 in pago Bachham

Congregationis SS. Redemptoris Seminarium ingressus est. Postea in oppi-

dis Dürrnberg - ubi Beati Gaspari Stangassinger discipulus fuit - et Gars

studiis vacavit. Anno 1901 religiosam vestem induit et insequente anno vota

nuncupavit. Die 16 mensis Iunii anno 1907 sacerdotio est auctus.

Aliquot post menses, ut in Brasiliani se tamquam missionarium confer-

ret invitatus, Servus Dei condicionem, cum missionibus exteris incumbere

semper cupivisset, libenter accepit. Quam ob rem Augusto mense anno

1909 ad urbem Sancti Sebastiani Fluminis Ianuarii una cum quattuor so-

dalibus appulit: numquam in patria postea revertisset. Quinque primos

per annos in quibusdam Paulopolis paroeciis, deinde celebri in sanctuario

Apparitiopolitano, postremo ministerium plerumque semper in municipio

Camphinas-Goiás exercuit.

Nonnulla munera pastoralia obiit, sed apostolatui praesertim itineranti

se dedit, milia passuum centum, saepe equo, percurrendo atque communita-

tes per latam regionem disseminatas lustrando. Aliquantum temporis apud

Goiasense sanctuarium, Sanctissimae Trinitati dicatum, sese in plurimos

peregrinos excipiendos impendit. Peculiarem de pauperibus et aegrotis, quos