1022 Acta Apostolicae Sedis - Commentarium Officiale

VERONENSIS

Beatificationis et Canonizationis Servae Dei Helenae da Persico Fundatricis Ins- tituti Saecularis « Filiarum Reginae Apostolorum » († 1869-1948)

DECRETUM SUPER VIRTUTIBUS

« Vitam meam, mi Iesu, expedire in mundo sicut ante Tabernaculum

necesse est ».

Haec nota e commentario diurno diei 10 mensis Martii anno 1906 ex-

cerpta est et Servae Dei Helenae da Persico omnem vitae rationem vere

explicat, quae autem ferventem cum Domino communionem agere semper

voluit, saeculo suo concrete operans, omnibus in ambitibus vitae, aevi signa

interpretans et fidem cum necessitatibus sui temporis conciliando.

Serva Dei Veronae die 17 mensis Iulii anno 1869, rerum tenui in familia

propter gravem oeconomicam ruinam, fide tamen ac virtute uberrima, nata

est. Etiam ab hac dolorosa educationis vicissitudine illa valida incitamenta

feliciter percepit ut sua pietas valde augeretur et ad pauperes et homines

viliores operam humaniter praestaret. Die 19 mensis Iulii anno 1869 in

paroecia Sanctissimae Trinitatis baptizata est.

Ludo litterario expleto, studia persecuta est et diploma magistrae una

cum iure docendi linguam Gallicam adepta est. Incepit ergo officium suum

litterarium narrationis opera scribens et cum nonnullis editoribus munere

interfuit.

Mulierum causam valde sustinuit, omni vi, multis in civitatis ambiti-

bus, ut dignitas earum et iurium illarum vindicatio, etiam per aptam ins-

titutionem, foveretur. Hac re, interfuit opera sua claris commentariis qui

nuncupabantur Vittoria Colonna et Azione Muliebre, qui primus christianus

pro mulieribus commentarius fuit, quem autem Serva Dei ab anno 1904

usque ad mortem rexit. Huius commentarii in paginis illius temporis fac-

ta iudicio semper explanavit, sollicite agens ut de familia et de societate

clare et honeste investigaretur. Anno 1906 Pontifex Pius X privato collo-

quio eam admisit et ab ea multas mulierum difficultates cognovit. Instituit

operas ad iura civium tuenda et operariorum consortia, instituta maximi

momenti in temporibus illis quia de sociali providentia fere nulla consilia

publica fuerunt. Diligentissimas relationes de mulierum quaestionibus multis