Congregatio de Causis Sanctorum 1013

NEAPOLITANA

Canonizationis Beatae Mariae Christinae ab Immaculata Conceptione (in saeculo:

Adelaidis Brando) Fundatricis Congregationis Sororum Victimarum Expiatricum

a Sacramento Iesu († 1856-1906)

DECRETUM SUPER MIRACULO

Beata Maria Christina ab Immaculata Conceptione (in saeculo: Adelais

Brando) ortum habuit Neapoli die 1 mensis Mai anno 1856, ex divite fa-

milia genita. Cum moribus christianis edu cata esset, inde a teneris annis

sese ostenderat tum inclinem in vitam simplicem et austeram tum animo

perspicaci praeditam in rebus religiosis, iis praesertim quae in eucharis-

tico mysterio suum habent fundamentum. Infirma valetudine praepedita,

monasterium ingredi, quod maxime optabat, non potuit; cum autem in

Conservatorium Theresianum se contulisset in oppido Turri de Graeco

situm, sensim consilium concepit novam religiosarum familiam condendi,

cui postea nomen indidit « Sororum Victimarum Expiatricum a Sacramen-

tato Iesu », in eum praesertim finem, « ut expiatione repararentur iniuriae

in Dominum peccando patratae ». Deinde tamen, cum numerus sodalium

iam crevisset, Beata illa cum sororibus in urbem Casauream commigravit.

Ibique adorationem eucharisticam ardentissimo studio promovit simulque

principium dedit compluribus inceptis educationis caritatisque fovendae

causa constitutis. Testimonium Mater Brando sine intermissione perhibuit

de fide ingentissima humilitati profundae et caritati nobili et sincerae

coniuncta, quibus virtutibus haud rari fuerunt homines, qui ad recte vi-

vendum incitarentur et adducerentur. Divinae Providentiae semper fidens,

aerumnas et infirmitates perpessa est animo Iesu eucharistico in dies magis

coniuncto. Oratione simul et operibus absumpta, die 20 mensis Ianuarii

anni 1906 e vita decessit. Quam Ioannes Paulus II, Pontifex Maximus, in

album Beatorum rettulit die 27 Aprilis anno 2003.

Ad canonizationis causam feliciter absolvendam, Causae Postulatio su-

biecit iudicio huius Congregationis de Causis Sanctorum eventum cuiusdam

graviditatis perdifficilis. Quae dicimus, facta sunt mense Februario anno

2004 Amorosii, Beneventana in provincia. Tunc temporis quaedam domi-