Acta Francisci Pp. 973

CONSTITUTIO APOSTOLICA

VOTUPORANGENSIS

In Brasilia, dismembratis quibusdam territoriis ecclesialium communitatum Sancti Josephi Riopretensis et Ialespolitanae, Dioecesis Votuporangensis conditur.

FRANCISCUS EPISCOPUS

ServuS Servorum Dei

aD perpetuam rei memoriam

Brasiliensium fìdelium spiritale iter diligenter dum sequimur, studiose

petitionem consideramus Venerabilium Fratrum Thomae Ferreira da Silva,

Episcopi Sancti Josephi Riopretensis, et Aloisii Demetrii Valentini, tunc

Episcopi Ialespolitani, qui, audita Conferentia Episcoporum Brasiliensi, ab

Apostolica Sede enixe postulaverunt ut, ecclesiasticarum circumscriptionum

iisdem concreditarum dismembratis territoriis, nova exinde erigeretur dioe-

cesis. Nosmet Ipsi, favorabili praehabito voto Venerabilis Fratris Ioannis

d'Aniello, Archiepiscopi titulo Paestani et in Brasilia Apostolici Nuntii, de

consilio Congregationis pro Episcopis, preces ad Nos admotas animarum

saluti valde profuturas censuimus libentesque excipiendas decrevimus. Qua-

propter, de plenitudine Apostolicae Nostrae potestatis, a dioecesi Sancti

Josephi Riopretensi distrahimus territorium, prout in praesens lege civili

circumscribitur, municipiorum vulgo nuncupatorum: Álvares Florence, Amé-

rico de Campos, Buritama, Cosmorama, Floreal, Gastão Vidigal, Lourdes,

Macaubal, Magda, Monções, Nhandeara, Nova Luzitânia, Parisi, Paulo de

Faria, Planalto, Pontes Gestal, Riolândia, Sebastianópolis do Sul, Tanabi,

Turiúba, União Paulista, Valentim Gentil, Votuporanga, Zacarias; et a dioe-

cesi Ialespolitana seiungimus territorium municipii vulgo nuncupati Cardo-

so, atque ex ita distractis territoriis novam dioecesim, Votuporangensem

appellandam, erigimus ac constituimus. Huius novae dioecesis sedem in

urbe vulgo Votuporanga statuimus templumque paroeciale ibi exstans, Deo

in honorem Beatae Mariae Virginis « de Aparecida » dicatum, ad gradum et

dignitatem ecclesiae Cathedralis evehimus, mandantes ut ibidem Canonico-

rum Capitulum ad normam iuris instituatur. Novam insuper dioecesim Votu-

porangensem Metropolitanae Ecclesiae Rivi Nigri suffraganeam decernimus

eiusque Episcopum metropolitico iuri Archiepiscopi « pro tempore » eiusdem