Congregatio de Causis Sanctorum 1025

CLODIENSIS

Beatificationis et Canonizationis Servi Dei Raimundi Calcagno Sacerdotis e Con- gregatione Oratorii Sancti Philippi Neri († 1888-1964)

DECRETUM SUPER VIRTUTIBUS

« Principium meum Deus, Deus finis meus, merces mea Deus ».

Verba haec, quae Servus Dei Raimundus Calcagno repetere solebat,

valde divina fisus providentia, vitam eius sacerdotalem eiusque apostolatum

collustrarunt atque singula segmenta signarunt alacris illius itineris, per

quod eius spiritus enixe progressus est ad sanctitatem parandam. Clodiae,

in civitate Venetae Lagunae austrina, Servus Dei natus est die 17 mensis

Aprilis anno 1888 humili piscatorum genere. In familiae complexu, fide

principiisque christianis fulto, primo informatus est atque inde a puero

illam ad animos excolendos proclivitatem patefecit, quae totam eius exis-

tentiam signavit: etenim iam a puerilis institutionis annis pueros circa se

commorantes in domum suam arcessitos laeto animo accipiebat eosque

oblectabat, cum rudimenta christianae doctrinae nimia amabilitate eis tra-

deret, matris sedulitate fultus.

Quindecim autem annos natus, consociationi Giovani Cattolici nuncu-

patae adhaesit, cui postea praefuit. Interea prima indicia vocationis ad

vitam sacerdotalem animadvertit, ideo, gymnasiali ac liceali institutione in

dioecesano Seminario completa, adiit Congregationem Clodiensis Oratorii

Sancti Philippi Neri, cupiens se ad vitam simul contemplativam et activam

conferre in caritate progrediendo. Itaque, studiorum curriculo expleto, die

28 mensis Martii anno 1914 sacerdos ordinatus est.

Constanter animo intendit sese pro animabus praecipue multorum pue-

rorum ac iuvenum civitatis impendere. Quapropter sodalicium lusorium

condidit ad pueros civili et christianae educationi reducendos in ipso ae-

tatis discrimine, quo adulescentuli vitae dignitatem percipiunt ac dirigunt.

Amabili auctoritate praeditus, suorum 'improbulorum' cor subegit, lusu

animans atque se eorum aedificationi proponens innocentiae et christianae

sedulitatis exemplar. Reapse eminet Pater Raimundus sicut verus iuventutis

apostolus, immo - ut ita dicam - 'puerorum presbyter', 'puer ipse cum

pueris ex animo factus' exemplo Sancti Philippi Neri.