1026 Acta Apostolicae Sedis - Commentarium Officiale

Anno 1921 sodalicium 'Divo Hieronymo Emiliani' (nunc vero ipso Servo

Dei) dicatum dirigendum suscepit; quod sodalicium praesertim minoribus

civitatis Clodiae patebat ut quibus nimia paupertate ac egestate affectis.

His omnibus, plerumque calceamentis ac vestibus carentibus vel etiam de-

relictis, et tempus et laborem et ingenium largiebatur quasi benignus pater

ac misericors.

Ipse vera iuris ac theologiae eruditione solidaque Scripturarum ac Pa-

trum doctrina imbutus, ab anno 1921 ad annum 1958 innumeris Philip-

pianorum Congregationis coetibus sive nationalibus sive internationalibus

interfuit, amplas renovationes suggerens, constitutionibus Oratorii Sancti

Philippi Neri producendas. Ab anno 1932 ad annum 1948 aliquot sacerdo-

tum coetibus praefuit, vulgo Sacerdoti adoratori et Unione Apostolica del

Clero dictis; cooptatus est etiam in Dioecesanum Consilium ad musicam

sacram promovendam pariterque in Consilium Dioecesanum III Eucharis-

tico Congressui exsequendo.

Presbyterali insuper vita perlaetus eminentique pietate flagrans, Servus

Dei munere confessarli in seminario Clodiensi multos per annos functus

est, cum magister pietatis et sacerdotibus et monialibus et christifidelibus

evaderet, quibus dono suum testimonium fidelitatis Christo redderet: humi-

lis, sui ipsius abnegandi devovendique studio continenter sanctitatis viam

sequebatur, quam omnibus suadebat. Cui quidem fulcimento fuerunt mira

apostolica caritas et firmum cum Deo conloquium ope eucharistici mys-

terii cultusque marialis. Reapse multas per horas die noctuque orabat ac

meditationi instabat, cum asperitates libenter Dei amore toleraret - iuxta

antiquam Philippianorum sodalium traditionem - quasi hostia piacularis

pro peccatis hominum erga Cor Iesu Sacratissimum. Ad signa temporum

animo singulariter intentus, tum proprio vivendi modo tum arte sua pae-

dagogica educandi, Servus Dei duo proposita perspexit magni momenti:

catecheticam et liturgicam actuositatem promovendam ad maturitatem

christifidelium concurrentem, nencnon cleri culturam instituendam ac

firmandam; simulque Ecclesiam populo immixtam et operam pauperrimis

navantem somniavit.

Cum autem anno 1948 Veronam missus esset, ibi novem annos moratus

munere parochi ac praepositi functus est, ut illam communitatem secundo

universali bello offensam auxilioque indigentem restitueret; ibique Boni