984 Acta Apostolicae Sedis - Commentarium Officiale

III

Venerabili Dei Servo Ioanni Huguet y Cardona caelitum Beatorum tribuitur dignitas.

FRANCISCUS PP.

Ad perpetuam rei memoriam. - « Habentes autem eundem spiritum fidei,

sicut scriptum est: 'Credidi, propter quod locutus sum', et nos credimus,

propter quod et loquimur, scientes quoniam, qui suscitavit Dominum Iesum,

et nos cum Iesu suscitabit et constituet vobiscum » ( 2 Cor 4, 13-14) .

Iuvenis dioecesanus sacerdos Ioannes Huguet y Cardona, fide virtuteque

repletus, suis coram persecutoribus Iesum Christum est testatus. Die XXVIII

mensis Ianuarii anno MCMXIII in pago Alaior Maioricae natus est. Primoge-

nitus fuit Francisci et Eulaliae Cardona filius, agricolarum, qui Christiana

pietate fideque pollebant. Die I mensis Februarii anno MCMXIII baptismali

aqua est ablutus atque die XX mensis Augusti anno MCMXVI Confirmationis

sacramento est munitus. Novem annos natus primum ad sacram Eucaris-

tiam accessit. Instituti Fratrum Scholarum Christianarum alumnus probe

est edoctus atque pietate Ecclesiaeque amore est informatus. Postquam

in dioecesanum Seminarium Minoricense est ingressus, XVI annos natus,

electus est ut peregrinationem internationalem participaret Seminarii ti-

ronum Romam, Pio PP. XI presbyteratus quinquagesimum recolente an-

num, qui de eis Christo dicandis est locutus. Ioannes valde est permotus

et eius animus sepulcris martyrum invisis est tactus. Anno MCMXXXIII eius

familia ad oppidum Ferreries se contulit, ubi Ioannes apostolica incepta

participavit. Quibusdam illius loci iuvenibus dixit: « Si aliquando vitam pro

Christo tradere debebo, laetus tradam ». Die VI mensis Iunii anno MCMXXXVI

in cappella Seminarii Barcinonensis per manus Praesulis Emmanuelis Iru-

rita, qui et ipse fuit martyr, sacro ordine est initiatus. « Morti et sacrificio

addicti estis », dixit ille sacrum ordinem recipientibus. Primam Missam in

pago Ferreries celebravit die XXI mensis Iunii, sancto Aloisio Gonzaga di-

cato, cui tum propter corporis speciem tum propter virtutes nonnulli eum

assimilavere. Triginta tres dies cotidie Missam celebravit, cum arcessiretur

ad oppidi Municipium. Antea ab eo est petitum ut sacram Eucharistiam ab