Acta Francisci Pp. 985

ecclesia amoveret ne illa profanaretur, quemadmodum compluribus in vicis

acciderat. Quapropter Ioannes Sanctissimum Sacramentum suam in domum

detulit, omnino conscius de eventuris periculis. Exinde vestem presbyteralem

deponere est coactus atque adstantes parvum crucifixum viderunt, quem

iuvenis sacerdos secum deferebat. Morte proposita, iusserunt ut imaginem

sacram conspueret. Ioannes vehementer recusavit ac firma voce exclamavit:

« Vivat Christus Rex ». Duobus manuballistulae ignivomae ictibus percussus,

procidit ad solum ac copiosum sanguinem fudit, viginti tres annos natus.

Martyrii fama Venerabilis Dei Servi semper confestim in populo incre-

bruit vivaque exinde mansit. Quapropter in episcopali Curia Minoricensi an-

nis MCMLIII-MCMLIV dioecesana Inquisitione est peracta. Theologi Consultores,

die XVI mensis Aprilis anno MMX coadunati, de martyrio favens suffragium

tulerunt atque Patres Cardinales et Episcopi, in Sessione Ordinaria die XVII

mensis Aprilis anno MMXII coadunati, idem suffragium tulerunt.

Summus Pontifex Benedictus XVI die X mensis Maii anno MMXII, facul-

tatem fecit ut Congregatio de Causis Sanctorum de hac re Decretum ederet

atque statuit ut beatificationis ritus Tarracone die XIII mensis Octobris anno

MMXIII celebraretur.

Hodie igitur de mandato Nostro Angelus S.R.E. Cardinalis Amato, Con-

gregationis de Causis Sanctorum Praefectus, textum Litterarum Apostoli-

carum legit, quibus Nos in Beatorum numerum Venerabilem Dei Servum

Ioannem y Cardona adscribimus:

Nos vota Fratrum Nostrorum Iesu García Burillo, Episcopi Abulen-

sis, Alfonsi Milián Sorribas, Episcopi Barbastrensis-Montisonensis, Aloi-

sii S.R.E. Cardinalis Martínez Sistach, Archiepiscopi Barcinonensis, Ma-

rii Iceta Gavicagogeascoa, Episcopi Flaviobrigensis, Iosephi Emmanuelis

Lorca Planes, Episcopi Carthaginensis in Hispania, Antonii Angeli Algora

Hernando, Episcopi Civitatis Regalensis, Demetrii Fernández González,

Episcopi Cordubensis, Iosephi Mariae Yanguas Sanz, Episcopi Conchensis,

Raimundi del Hoyo López, Episcopi Giennensis, Ioannis Piris Frígola, Epis-

copi Illerdensis, Antonii Mariae S.R.E. Cardinalis Rouco Varela, Archiepisco-

pi Matritensis, Iesu Stephani Catalá Ibáñez, Episcopi Malacitani, Salvatoris

Giménez Valls, Episcopi Minoricensis, Attilani Rodríguez Martínez, Episcopi

Seguntini-Guadalaiarensis, Iacobi Pujol Balcells, Archiepiscopi Tarraconen-

sis, Iosephi Angeli Sáiz Meneses, Episcopi Terrassensis, Caroli Emmanuelis Es-

cribano Subías, Episcopi Terulensis et Albarracinensis, Braulionis Rodríguez