Congregatio de Causis Sanctorum 1019

TAURINENSES

Beatificationis et Canonizationis Servae Dei Caietanae a SS.mo Sacramento (in saeculo: Mariae Carolae Fontana) Primae Antistitae Generalis Congregationis Pauperum Flliarum S. Caietani († 1870-1935)

DECRETUM SUPER VIRTUTIBUS

« Tota Domini ero ».

Hoc semper fuit Servae Dei Caietanae a SS.mo Sacramento (in saec.:

Mariae Carolae Fontana) propositum quando adhuc puellula dictitabat et

quod in decursu eius vitae omni vi perfici enixa est. Christus autem semper

fuit fulcrum spiritualitatis eius, quae per oblationem sui, refulxit in caritate

erga proximum.

Serva Dei die 11 mensis Ianuarii anno 1870 in pago v. d. Pancalieri

non longe ab Augusta Taurinorum postrema ex octo filiorum nata est,

agricolarum in familia, baptismate abluta nomen ei fuit Mariae Carolae.

Iam a pueritia crebuit ostendens vehementem amorem orationis et pau-

perum, quibus secundum suam tenuitatem subsidium ferebat: « Voluissem

divitis esse ut multos pauperes adiumento iuvarem », sicut postea dixit.

Expleto ludo litterario, Carola abilis sarcinatrix evasit. Decimum secun-

dum annum aetatis exagens adfuit adventui novi parochi domini Ioannis

Mariae Boccardo (qui hodie in numero beatorum est), qui eius in vita fuit

maximi momenti.

Aestate anni 1884 regio cholerae contagione percussa est. Angustiis

et interitis, qui pagum Pancalieri vexaverunt, dominus Boccardo senibus

derelictis hospitium caritatis fundavit, hac in opera consociavit iuvenum

mulierum coetum, quae dicebantur « Pia Unio » easque direxit ad Dei et

apostolatus amorem: inter istas mulieres adfuit et iuvenis Carola decimum

quintum annum aetatis agens. Sanctus ille parochus, religionem pietatemque

eius mode rator, percepit iuvenis gratiae divitiam et hac re rationem vitae

indicavit qua unio cum Deo et caritas erga pauperes maxime consentaneae

evaderent cum regimine eius familiae. Anno 1886 Carola comitata est duas

iuvenes quae in hospitio operam suam navabant toto die, talia ergo fuerunt

primordia primi coetus Sororum « Pauperum Filiarum Sancti Caietani », ubi

Carola nomen suscepit Sororis Caietanae a SS.mo Sacramento, exercens

officium magistrae novitiarum.