Congregatio de Causis Sanctorum 1027

Pastoris imaginem expressit. In qua civitate insuper donis prudentiae et

consilii, mansuetudinis et spei auxiliatus est Instituto Paupercularum a

Domo Nazarethana, quod a venerabili Servo Dei Philippo Bardellini, sa-

cerdote Congregationis Oratorii, conditum fiierat. Dein Clodiam anno 1957

reversus, pristino fervore pueris erudiendis ac seminarii alumnis colendis

operam iterum impendit, aetate provecta et acri morbo iam dudum eum

torquente neglectis.

Die 7 mensis Iunii anno 1964 Clodiae in ecclesia Philippianorum, quam-

vis viribus enervatus, tamen quinquagesimum sui sacerdotii iubilaeum ce-

lebravit, praesentibus confratribus, sacerdotibus, discipulis, Oratorii pueris

multisque christifidelibus. Extremis verbis « Vivite in caritate » confratres

ac discipulos hortatus est die 18 mensis Iulii anno 1964, priusquam ani-

mam suam ederet. Nunc corpus eius in ecclesia Clodiensis Oratorii devote

asservatur, quasi pignus caelestis patrocinii.

Sanctitatis fama, quae vivum circumdederat, ita eo mortuo increbruit,

ut Causa eius beatificationis et canonizationis inita fiierit apud Curiam

Episcopalem Clodiensem per dioecesanam Inquisitionem a die 9 mensis Iulii

anno 1991 ad diem 25 mensis Aprilis anno 1994 habitam, cuius auctoritas

ab hac Congregatione confirmata est Decreto diei 15 mensis Octobris anno

1994. Positione parata, iuxta consuetam formam excussum est an Servus

Dei virtutes in gradu heroico exercuisset. Die autem 17 mensis Octobris

anno 2013 felici exitu Congressus Peculiaris Theologorum Consultorum

habitus est. Patres Cardinales ac Episcopi in Ordinaria Sessione die 21

mensis Octobris anno 2014 celebrata, cui ego Angelus Amato Cardinalis

praefui, Servum Dei in gradu heroico virtutes theologales et cardinales

aliasque iis adnexas exercuisse fassi sunt.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iusti-

tia, Temperantia et Fortitudine, iisque adnexis, in gradu heroico, Servi Dei

Raimundi Calcagno, Sacerdotis e Congregatione Oratorii S. Philippi Neri,

in casu et ad effectum de quo agitur.