Acta Francisci Pp. 977

Episcopi Antonii Durcovici martyrii fama adduxit eius dioecesim Iasen-

sem ad canonicam Inquisitionem peragendam annis MCMXCVII-MCMXCIX, cuius

iuridicam validitatem Congregatio de Causis Sanctorum agnovit per De-

cretum die XXIX mensis Octobris anno MMX. Consultores Theologi congre-

gati die XXVIII mensis Februarii anno MMXIII faventem de martyrio tulerunt

sententiam. Patres Cardinales et Episcopi, in Sessione Ordinaria die XV

mensis Octobris eodem anno, heroicam mortem Venerabilis Servi Dei verum

arbitrati sunt martyrium. Demum Nos Ipsi die XXXI eiusdem mensis facul-

tatem dedimus ut Congregatio de Causis Sanctorum Decretum de martyrio

promulgaret, ac deinde statuimus ut sollemnis ritus beatificationis die XVII

mensis Maii anni MMXIV celebraretur.

Hodie igitur in urbe Iasensi de mandato Nostro Venerabilis Frater Nos-

ter Angelus S.R.E. Cardinalis Amato, S.D.B., Praefectus Congregationis de

Causis Sanctorum, textum Litterarum Apostolicarum legit, quibus Nos Vene-

rabilem Servum Dei Antonium Durcovici in Beatorum numerum adscribimus:

Nos, vota Fratris Nostri Petri Gherghel, Episcopi Iasensis, necnon plu-

rimorum aliorum Fratrum in Episcopatu multorumque christifidelium ex-

plentes, de Congregationis de Causis Sanctorum consulto, auctoritate Nostra

Apostolica facultatem facimus ut Venerabilis Servus Dei Antonius Durcovici,

Episcopus Iasensis et martyr, assiduus pastor, eucharisticae adorationis

apostolus atque communionis cum Petri Sede heroicus testis, Beati nomine

in posterum appelletur, eiusque festum die decima mensis Decembris, qua

in caelum ortus est, quotannis celebrari possit. In nomine Patris et Filii

et Spiritus Sancti.

Quod autem decrevimus, volumus et nunc et in posterum tempus vim

habere, contrariis rebus quibuslibet non obstantibus.

Datum Romae, apud Sanctum Petrum, sub anulo Piscatoris, die XVII

mensis Maii, anno MMXIV, Pontificatus Nostri secundo.

De mandato Summi Pontificis

petruS Card. paroLiN Secretarius Status

Loco G Plumbi

In Secret. Status tab., n. 21.402