1014 Acta Apostolicae Sedis - Commentarium Officiale

na bis se chirurgo praebuerat secandam propter duplicem graviditatem

extra uterum habitam, quam ob rem tubae adeo damno affectae erant, ut

difficillime denuo mulier gravida fieri posset. Una cum viro, invitis me-

dicis quibusdam, detrectaverat mulier usum fecundationis artificialis, sed

patrocinium invocavit Beatae Mariae Christinae, cui devotissima erat, ut

sibi donum concederetur filii concipiendi atque in lucem edendi. Mense

autem post, medicus gynaecologus certo conspexit graviditatem reapse

procedentem cursu omnino regulari. Inspectiones quoque posterius effectae

perspicue ostenderunt, gravedinem recte decurrere, donec, sectione cesarea

prudenter facta, natus est puer per omnia sanus. Deinde vero, licet novis

conaminibus peractis, alia proles nulla genita est; immo vero nonnullae

aliae graviditates extra uterum habitae in abortum sua sponte exierunt.

Manifesta apparent et adiuncta temporum concomitantia et nexus inter

invocationem Beatae atque exitum rei felicem intercedens.

De hac graviditate, tamquam mira iudicata, apud Curiam Archidioece-

sanam Neapolitanam a die 14 Aprilis ad diem 8 Iulii anno 2011 instructa

est Inquisitio dioecesana, cuius validitatem ad normam iuris approbavit

haec Congregatio per Decretum die 19 Ianuarii anno 2012 editum. Medi-

corum Dicasterii Consilium, in Sessione diei 10 Ianuarii anni 2013 et diei

20 Martii anni 2014, agnovit propter disciplinam medicam, ut nunc est,

luce clarius apparere, casum inexplicabilem esse. Die 24 mensis Iunii anni

2014 actus est Congressus Peculiaris Consultorum Theologorum. Die vero

16 mensis Septembris anni 2014 Patres Cardinales et Episcopi in Ordinaria

Sessione sese congregarunt, me praesidente, Angelo Card. Amato. Et in

utroque Coetu, sive Consultorum sive Cardinalium et Episcoporum, posito

dubio an de miraculo divinitus patrato constaret, responsum affirmativum

prolatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Bea-

tae Mariae Christinae ab Immaculata Conceptione (in saeculo: Adelaidis

Brando), Fundatricis Congregationis Sororum Victimarum Expiatricum a

Sacramentato Iesu, videlicet de « gravidanza a termine di una signora dopo

accertata infertilità tubarica bilaterale sostenuta da flogosi pelvica ».