976 Acta Apostolicae Sedis - Commentarium Officiale

Apostolico studio etiam extra ecclesiasticum ambitum excelluit, erga intel-

lectus cultores omnesque laicos, pro quibus duas ephemerides instituit ad

christianam et philosophicam thomisticam doctrinam altius cognoscendam.

Mense Octobri anno MCMXLVIL, LIX annos natus, Episcopus Iasensis est

nominatus, videlicet urbis suae pueritiae. Statim post inceptum est tempus

eius martyrii. Propter oppositionem imperantis communistarum regiminis

quod contrarium fuit omni formae religionis, potissimum catholicis, episco-

palem consecrationem potuit tantum mense Aprili anni MCMXLVIII suscipere.

In difficilioribus rerum adiunctis Episcopus Iasensis coepit paroecias

dioecesis suae invisere, constanter fideles adhortans ut in fide perseve-

rarent. Interdum secreti publici custodes perattente invigilabant ei, argu-

menta adversus eum colligentes ut haberent de quo ipsum accusarent atque

apprehenderent. Inter fideles celebrationes religiosas participantes iugiter

regiminis exploratores inveniebantur qui e sacristia etiam epistulam furati

sunt « De consecratione dioecesis Immaculato Cordi Mariae ».

Venerabilis Servus Dei accusatus est contra ordinem et Civitatis se-

curitatem incitavisse populumque adhortatum fuisse ne vitam politicam

communistarum in Dacoromania participarent. Ipse autem pastorale exer-

cens ministerium, prudentiam semper ostendit et aequo animo presbyteros

fidelesque conduxit, inutiles communistarum auctoritatum vitans provoca-

tiones. Attamen die XXVI mensis Iunii anno MCMXLIX, dum ad paroeciam

quandam prope Bucarestium iter faciebat Confìrmationis sacramenti ad-

ministrandi causa, apprehensus est. Coepta est ita pro eo diuturna de-

tentionis tribulatio, primum apud sedem Ministerii Internorum, deinde in

carcere loci Jilava, ubi probabiliter usque ad autumnum anni MCMLI mansit

Hoc tempore iugiter premebatur ut quasdam fictas culpas admitteret, ob

quarum accusationem est comprehensus, atque Dacoromanam Ecclesiam

sustineret ab Ecclesia Romana seiunctam et cum communistarum regimine

operam praestantem.

Ipse viam crucis prosecutus est in carcere loci Sighetu Marmatiei, ubi

die X mensis Septembris anno MCMLI est translatus ubique alii episcopi et

presbyteri erant retenti. Tantum tres menses reclusionem ibi pertulit ac die

X mensis Decembris eodem anno obiit. Secundum quasdam testificationes in

cella segregatus est, aegrotans, sine medicis curis atque angustiis absump-

tus. Ascendit tamquam Dominus Iesus Calvarium ut illic crucifigeretur, ac

deinde ut a Resuscitato in caelestis Ierusalem gaudio acciperetur.