Acta Francisci Pp. 975

LITTERAE APOSTOLICAE

I

Venerabili Dei Servo Antonio Durcovici Beatorum honores decernuntur.

FRANCISCUS P.P.

Ad perpetuam rei memoriam. - « Beatus populus, cui Dominus est Deus »

( Ps 144, 15) .

Servus Dei Antonius Durcovici, Episcopus Iasensis, in Dacoromania,

assiduus fuit Pastor, eucharisticae adorationis apostolus, ardens cultor Im-

maculati Cordis Beatae Virginis Mariae atque communionis cum Petri Sede

heroicus testis tempore totalitaris regiminis. Vir mitis, doctus, pacificus,

fide plenus, misericors erga omnes, gregem Domini defendit tota sua vita

usque ad martyrium.

Ipse natus est die XVII mensis Maii anno MDCCCLXXXVIII in loco Bad

Deutsch-Altenburg, in Austria, et paucos post dies ad baptismalem fontem

est allatus. Patris eius praematura mors totam familiam Durcovici extremae

indigentiae exposuit. Iuvenis vidua Maria duobus cum filiis se in Dacoro-

maniam transtulit, primum Iassium ac post Bucarestium. Illic Antonius

scholam frequentavit apud Institutum Fratrum a Scholis Christianis. Cum

vocationem ad sacerdotium sentiret atque in Seminarium Minus Bucares-

tiense anno MCMI acceptus esset, adhuc admodum iuvenis exercuit vitam

orationis, voluntatis Dei auditionis atque oboeditionis sine conditionibus

sub moderamine patris spiritualis. Post maturitatem Romam missus est,

ubi laureas in philosophia ac theologia consecutus est. Anno MCMX presbyter

ordinatus, unum per annum praefectus fuit in collegio Propagandae Fidei.

Anno MCMXI Bucarestium reversus est atque administrator paroeciae et

religionis professor nominatus est. Tempore primi belli mundialis propter

originem suam Austriacam duos per annos retentus est in quodam campo.

Concluso bello, annis MCMXVIII-MCMXXII denuo docuit ministeriumque exercuit

paroeciale. Ab anno MCMXXVII unum et viginti per annos varia gessit officia:

parochi, canonici ecclesiae cathedralis, rectoris Seminarii Bucarestiensis, do-

centis philosophiae, linguae Latinae, iuris canonici et theologiae moralis. Ad

sacerdotalem fraternitatem fovendam Unionem Apostolicam Cleri instituit.