1010 Acta Apostolicae Sedis - Commentarium Officiale

HIEROSOLYMITANAE LATINORUM

Canonizationis Beatae Mariae Alphonsinae Danil Ghattas Fundatricis Congrega-

tionis Sororum a Sanctissimo Rosario de Hierusalem († 1843-1927)

DECRETUM SUPER MIRACULO

Beata Maria Alphonsina Danil Ghattas Hierosolymis die 4 mensis Oc-

tobris anno 1843 nata est. Serva Dei parvulam scholam, quae a Sororibus

Sancti Joseph Apparitionis regebatur, frequentavit, iuxta quas vocationem

suam maturavit. Religiosam vestem induit, nomen Sororis Mariae Alphon-

sinae suscepit et religiosam professionem emisit. Mandatum habuit ut chris-

tianam doctrinam populari in schola Hierosolymis et deinde in Nazareth

doceret. Virginis Mariae afflatu, novam familiam religiosam fundavit una

cum auxilio Patris Iosephi Tannous, qui per annos fundator putatus est:

sic ergo Congregatio Sororum a Sanctissimo Rosario de Hierusalem orta

est. Hoc in novo instituto, cuius fundatrix ab omnibus existimabatur, Ser-

va Dei munus docentis explevit primum Ioppitis et deinde domus multis

in regionibus propinqui Orientis fundavit. Cum in Aedis Aegypti febrim

incidisset, Hierosolymas, ut curaretur, regressa est. Postea prius in loco

Zababdeh stetit, deinde in Bethlem ubi antistita fuit et denique in Hiero-

solymis et in Ain Karem. Suo in munere, etiam gravissimo, persequendo,

nihil aliud studuit nisi se ad Domini voluntatem conformare, cuius amore

etiam magnas iacturas sustinuit. Die 25 mensis Martii anno 1927 beatitu-

dinem obitu adepta est, quam Christus suis fidelibus famulis pollicitus erat.

Die 22 mensis Novembris anno 2009 Summus Pontifex Benedictus XVI in

numero Beatorum eam rite conscripsit.

Canonizationis respectu, Causae Postulatio iudicio huius Congregationis

de Causis Sanctorum miram quandam iuvenis hominis sanationem e subi-

tanea cordis motus intermissione subiecit. Sanatus, iuvenis ingeniarius,

qui tricesimum fere annum aetatis agebat, cum suo opere apud civitatem

Tel Aviv defungeretur, inscienter et sine ullo praesidio electricum magnae

tensionis filum casu tetigit. Fortis electrica emissio eum vehementer icit

ipsumque exanimatum humi deiecit. Iuvenis statim in valetudinarium, omni

spe deiectus, receptus est enim veternosus habebatur etsi signa agitationis

neuromotoriae inveniebantur. Haec omnia die 20 mensis Novembris anno