Congregatio de Causis Sanctorum 1011

2009 evenerunt. Illis in diebus celebratio beatificationis Venerabilis Mariae

Alphonsinae Danil Ghattas apparatibus expediebatur. Hac re, aliquae sorores

Congregationis, ab ipsa Beata fundatae, urbem Tel Aviv venerunt, hospites

iuxta domum infirmi materterae, quae certiores de gravi casu factae, statim

in orationem una cum iuvenis familiaribus toto corde intenderunt Mariae

Alphonsinae intercessionem, ut infirmi sanationem impetrarent, invocans.

Haec oratio etiam insequenti die omnium sororum Congregationis gradatim

participatione augescente peregebatur. Die 22 mensis Novembris, paulo ante

liturgicam celebrationem beatificationis, infirmus in plenitudine conscientiae

seu mentis una cum capacitate recte agendi mandata repente restitutus

est, eo ut ipsi medici eum omnino normalem et sanatum declararent. Mane

sequentis diei e valetudinario demissus est et fere tres post menses ad

officium suum regredi potuit. Subsequentes medicae investigationes nihil

invenerunt et perfectam sanationem confirmaverunt.

Evidens est concursus temporis et consequentia inter Beatae invocationem

et iuvenis sanationem, qui dcinceps naturali socialique vita pollens, sanus fuit.

De hac sanatione, mira aestimata, iuxta Curiam Hierosolymitanam La-

tinorum e die 30 mensis Aprilis anno 2012 ad diem 5 mensis Aprilis anno

2013 celebrata est Inquisitio dioecesana, cuius iuridica validitas ab hac Con-

gregatione de Causis Sanctorum per Decretum diei 11 mensis Octobris anno

2013 est approbata. Medicorum Consilium huius Dicasteri in sessione diei 12

mensis Maii anno 2014 declaravit sanationem celerem, perfectam, constantem

et ex scientiae legibus inexplicabilem fuisse. Die 25 mensis Septembris anno

2014 Congressus auctus est Peculiaris Theologorum Consultorum, positivo

cum exitu. Die 2 mensis Decembris anno 2014 Patres Cardinales et Episcopi

se congregaverunt, me Cardinale Angelo Amato praesidente, et in utroque

Coetu, sive Consultorum sive Cardinalium et Episcoporum, posito dubio an de

miraculo divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de miraculo a Deo patrato per intercessionem Beatae

Mariae Alphonsinae Danil Ghattas, Fundatricis Congregationis Sororum a

Sanctissimo Rosario de Hierusalem, videlicet de celeri, perfecta ac constanti

sanatione cuiusdam iuvenis ab « arresto cardiaco (fibrilla zione ventricolare)-

respiratorio da folgorazione, accompagnato da coma e crisi epilettiche ».