Congregatio de Causis Sanctorum 505

Praeter coniugis matrisque munera Serva Dei domus suae magna in aula

mulieres coniugis conlegarum militarium recipere easdemque spiritualibus

consiliis saepe reficere solebat. Sibi toto corde quaerebat verum animae

moderatorem, qui eam adiuvaret et moneret eumque invenit in sacerdote

Henrico Chaumont cum quo coetum mulierum instituit, quae certis tempo-

ribus se congregabant ut fidem oratione altius intelligerent et eam secun-

dum propria uniuscuiusque vitae status viverent. Exemplum iis mulieribus

fuit Sancti Francisci Salesii spiritualitas, in qua invenerunt pragmaticas

admonitiones ut in mundo « secundum christianam summam mensuram »

viverent. Coetus magis magisque increbuit et sibi nomen imposuit Societatis

Filiarum S. Francisci Salesii, quae etiam extra Galliam valde pervagata est.

Serva Dei, exemplo spiritualitatis Sancti Episcopi Genavensis, toto corde

« unum cum Christo » esse voluit, vitam reapse gerendo in Domini constanti

praesentia. Eucharistico fonte, diuturna oratione, existentiae nutrimentum

hauriebat, quod salutare et suae Congregationi porrigebat. Omnibus in rebus

Serva Dei semper summam servabit suavitatem in modis fìrmissimamque

promptitudinem in consulendo. Eius spirituali in itinere in ministerio pro

familiis valde se tradidit, in difficultatibus et contumeliis fide se constanter

fulciens, inveniens animum progrediendi in spe, in caritate autem origi-

nem omnium cotidianarum electionum, maxime quarum dolore cruciata est.

Sic semitam christianae maturationis usque ad culmina sanctitatis transit.

Sollicita et laboriosa coniugali ac familiari in vita perfectionem inquisi-

vit, quae eam assidue et vehementer signavit, illam perfectionem summo

animo adhibuit etiam in Congregationis fundatione. Annis decurrentibus

magis eminuit in Serva Dei concordia inter condicionem matris carnalis

et matris spiritualis, eo ut a multis gallico sermone diceretur la première

Mère. Vim et animum iniecit sustinuitque fundationem etiam Congregationis

vulgo dictae Prêtres de Saint Francois de Sales et Catéchistes Missionaires

de Marie Immaculée.

Una cum domino Henrico Chaumont constanter operavit ut testimonium

sanctitatis cotidiana in vita periberet. Serva Dei longo morbo correpta, in

pago dicto Lorry-les-Metz, die 28 mensis Ianuarii anno 1891, pie mortali e

vita excessit.

Fama sanctitatis eius ab anno 1895 ad annum 1898, iuxta Curiam Meten-

sem Processus Ordinarius Informativus celebratus est, cui ab anno 1911 ad

annum 1921 duo Processus Apostolici Parisiis et Metis accesserunt, quorum