Acta Francisci Pp. 371

simulari productae formae dominationis, impotentiae, abusus, perversionis

et violentiae sexualis, quae fructus sunt alicuis depravatae notionis sexua-

litatis atque dignitatem aliorum amorisque vocationem delent sub obscura

conquisitione sui ipsius?

154. Non est supervacaneum recolere etiam in matrimonio sexualitatem

fontem fieri posse doloris et fraudis. Hanc ob rem palam affirmare debemus

« usum matrimonii alteri coniugi impositum, nulla ratione habita eius status

eiusque iustorum optatorum, non esse verum actum amoris, atque adeo iis

adversari rebus, quas circa necessitudinem inter coniuges moralis recte po-

stulat ordo ».156 Actus proprii unionis sexualis coniugum naturae respondent

sexualitatis quam Deus vult si « modo vere humano exercentur ».157 Quam

ob rem sanctus Paulus adhortabatur: « Ut ne quis supergrediatur neque

circumveniat in negotio fratrem suum » ( 1Thess 4, 6). Etiamsi ille in aetate

quadam scripsit cum patrisfamilias cultus pollebat, cum femina creatura

considerabatur viri prorsus obnoxia, tamen docuit sexualitatem quaestio-

nem esse inter coniuges tractandam: facultatem etiam prospexit sexuale

commercium ad aliud tempus differendi, tamen « ex consensu » ( 1Cor 7, 5).

155. Sanctus Ioannes Paulus II perquam acutum dedit monitum cum

affirmaret virum et feminam « inexplebili cupiditate teneri ».158 Scilicet, ad

coniunctionem vocantur magis in dies artam, sed periculum adest ne dis-

similitudines adimantur et necessarium illud spatium quod inter utrumque

intercedit. Nam unusquisque propriam possidet dignitatem quae duplicari

non potest. Cum mutua magni pretii proprietas in dominationem transfor-

matur, « mutat [...] essentialiter structura communionis de necessitudine inter

personas ».159 In dominationis ratione, etiam qui dominatur ad negationem

pervenit propriae dignitatis160 et in summa desinit « subiectivam identitatem

cum proprio corpore habere »,161 cum id omni exuat significatione. Sexum

tamquam effugium vivit et pulchritudini coniunctionis renuntiationem.

156. Magni est momenti ut palam dicatur quodvis genus sexualis servitutis

esse abiciendum. Quapropter opportunum est omnem interpretationem non

aequam vitare textus Epistulae ad Ephesios in qua rogatur ut « mulieres viris

156 pauluS Vi, Litt. Enc. Humanae vitae (25 Iulii 1968), 13: AAS 60 (1968), 489. 157 Cfr conc. oEcum. Vat. ii, Const. past. Gaudium et spes, 49. 158 Catechesis (18 Iunii, 1980), 5: Insegnamenti III, 1 (1980), 1778. 159 Ibid., 6. 160 Cfr Catechesis (30 Iulii 1980), 1: Insegnamenti III, 2 (1980), 311. 161 Cfr Catechesis (8 Aprilis 1981), 3: Insegnamenti IV, 1 (1981), 904.