504 Acta Apostolicae Sedis - Commentarium Officiale

METENSIS

Beatificationis et Canonizationis Servae Dei Carolae Barbarae Colchen Carré de Malberg

Matrisfamilitas et Fundatricis Societatis Filiarum S. Francisci Salesii († 1829-1891)

DECRETUM SUPER VIRTUTIBUS

« De cetero, fratres, gaudete, perfecti estote, exhortamini invicem, idem

sapite, pacem habete, et Deus dilectionis et pacis erit vobiscum » ( 2Cor

13, 11).

Haec paulina exhortatio in vita et spiritualitate Servae Dei Carolae

Barbarae Colchen Carré de Malberg singularem perspicuitatem habuit, quae

suae in existentiae gradibus iter ad christianam perfectionem placide ac

constanter lustravit.

Serva Dei die 8 mensis Aprilis anno 1829, Metis in Gallia, aristocratica

e familia, firmissima pietate, nata est et post tres dies sacro fonte mundata.

Sua in familia optima institutione crevit; etsi florida valetudine non gauderet,

tamen iam e pueritia naturam sui animi limpidam ac fortem formavit. Anno

1841 in monasterium Visitationis ingressa est ut sua studia attenderet; hic

vehementi ac sincera pietate, suis in officiis summa morum probitate inter

omnes praestitit, qua re fiduciam institutricum meruit.

Animo suo vitam religiosam amplecti exoptabat, sed eius spiritualis

moderator ad vitam coniugalem ei magis suasit et consulit. Hac re firmo

iudicio Dei voluntatem persequendi, anno 1846 domino Paulo Carré de

Malberg, consobrino et militari magno ordinum ductori, nupsit. Hoc Carolae

multa nova officia attulit, enim in conviviis coniugis conlegas officiales cum

mulieribus ab ea liberalissime excipiebantur. Diurnum tempus oratione et

domesticis negotiis impendebat, quod Serva Dei animo officioso et humili

adimplebat, omnem vanitatem et mundanam cupiditatem omnino abhorrens.

Coniugis imperiosa dispositione, militari educatione ac disciplina forma-

ti, magis exacerbante, Carola, contento corpore et animo suspenso aegro-

tare incepit; tamen illa pluries praegnans fuit et quattuor filios generavit,

quorum tres ante tempus mortui sunt, extremum autem undetricesimum

annum aetatis exagentem amisit. Iis doloribus fides eius valde confirmata

eiusque spiritualitas corroborata est. Firmo in iudicio sanctitatis coniugalis

status, Carola vitam suam pro mariti animae salute offerre incepit.