354 Acta Apostolicae Sedis - Commentarium Officiale

ad affectus fugiendos, ad timores de necessitudinibus cum aliis habendos.

Quocirca, culpam aliis tribuere falsum dat solacium. Oportet oremus nostra

cum historia, nosmet ipsos accipiamus, nostris cum limitibus vivere sciamus,

et etiam nobismet ipsis dimittamus, ut eandem agendi rationem erga alios

demonstremus.

108. Sed hoc usum prae se fert veniae a Deo acceptae, gratuitae iu-

stificationis absque nostris meritis. Accepimus amorem, operam nostram

antecedentem, qui semper novam suppeditat opportunitatem, promovet et

stimulat. Si admittimus Dei amorem condicionibus carere, affectum Patris

emi non debere neque pecunia solvi, tunc amare poterimus praeter omnia,

aliis dimittere quamvis iniusti erga nos fuerint. Aliter nostra vita in familia

non erit amplius comprehensionis locus, comitatus et stimuli, et erit locus

perpetuae contentionis vel mutuae punitionis.

Cum aliis laetari

109. Sententia chairei epi te adikia aliquid negationis complectitur, in

profunditate cordis personae locatum. Est venenatus agendi modus illius qui

laetatur cum animadvertit iniustitiam erga aliquem agi. Sententia perficitur

per illam quae sequitur quaeque positive significatur: synchairei te aletheia:

congaudet veritati. Id est laetatur ob bonum alterius, cum eius agnoscitur

dignitas, cum eius facultates aestimantur eiusque bona opera. Hoc fieri

non potest alicui qui semper comparationem inire debet et certare, etiam

proprio cum coniuge, usque dum ob eius errata occulte laetetur.

110. Cum amans persona facere bonum alteri potest, vel cum animad-

vertit alterum bene se habere, id cum gaudio servat et hoc modo gloriam

dat Deo, « hilarem enim datorem diligit Deus » ( 2Cor 9, 7), Dominus nos-

ter peculiari modo aestimat illum qui ob alterius laetatur felicitatem. Nisi

sustentamus nostras facultates gaudendi ob bonum alterius at potissimum

nostras consideramus necessitates, nos ipsos condemnamus ad vivendum

modica cum laetitia quia, sicut Iesus dixit, « beatius est magis dare quam

accipere! » ( Act 20, 35). Familia oportet semper sit locus in quo quisquis

aliquid boni in vita facit, novit omnes simul cum ipso id esse celebraturos.

Omnia suffert

111. Index quattuor adimpletur sententiis quae totum quiddam complec-

tuntur: "omnia". Omnia suffert, omnia credit, omnia sperat, omnia sustinet

(cfr 1Cor 13, 7). Hoc modo vis dynamica amoris adversus cultum humanum

imperantem extollitur, qui quibuslibet minis obsistere valet.