Acta Francisci Pp. 421

familiariS Vita Sicut EducationiS locuS

274. Familia prima est schola hominum bonorum, ubi probus libertatis usus discitur. Proclivitates iam inde ab infantia adeptae personae penetralia imbuunt atque totam vitam perstant ut salutaris erga quiddam bonum animi commotio vel voluntaria quorundam morum reiectio. Personae plures ratione quadam vivunt, quippe qui validum putent illum agendi modum, quem a pueris per mutuum quasi commeatum sunt consecuti: "ita sum edoctus"; "hoc est quod mihi tradiderunt". Intra familiam etiam disci et discerni possunt acri iudicio nuntii variorum instrumentorum communicationis. Pro dolor, pluries quaedam televisificae emissiones ac quaedam nuntii laudativi exempla nocent et recepta in familiari vita bona infirmant.

275. Hodiernis temporibus, quibus anxietas et technologica celeritas vigent, praecipuum familiarum officium est ad exspectandi facultatem educare. Hoc prohibere non vult quominus pueri rebus electronicis ludant, sed ut reperiatur via qua ingeneretur in eos facultas diversas rationes diudicandi neque digitalem celeritatem omnibus vitae partibus adhibendi. Procrastinare non est desiderium negare, sed eius satisfactionem differre. Cum pueri vel adolescentes non sunt instituti qui probent quaedam esse exspectanda, impotentes fiunt, cuncta satisfactioni subdunt propriarum proximarum necessitatum et crescunt una cum vitio illius "quaero et teneo". Magna est haec fraus quae libertati non favet, sed eam debilitat. Contra autem cum quis instituitur quaedam esse differenda et opportunum tempus exspectandum, praecipitur quid significet sui ipsius esse dominum, suarum voluptatum compotem. Ita, cum puer experitur se posse ip- sum moderari, suam ipsius aestimationem locupletat. Eodem tempore istud eum edocet ut aliorum libertatem servet. Ut patet, velle hoc non secum fert ut pueri tamquam adulti se gerant, sed ne oportet quidem eorum adolescendi faculta- tem despicere ad officiosae libertatis maturitatem consequendam. Apud sanam familiam haec rudimenta ordinaria via per convictus necessitates obtinentur.

276. In familia primo socialis vita agitur, quia primus est locus in quo quisque discit se ante alium ponere, auscultare, participare, tolerare, observa- re, adiuvare, convivere. Educationis munus mundi societatisque ut "familiaris ambitus" sensum concitare debet; quaedam est educatio usus "habitandi" ultra propriae domus limites. In familiari ambitu docetur proximitatem recuperare, curam habere, salutare. Ibi utique primus exitiosi et immodici amoris sui orbis frangitur ut agnoscatur nos cum aliis vivere, qui nostra sollicitudine, nostra lenitate, nostro affectu digni sunt. Minime datur sociale vinculum sine hac prima cotidiana ratione, fere perparva: cum videlicet in proximitate simul