Congregatio de Causis Sanctorum 499

BEREINITANA

Beatificationis et Canonizationis Servi Dei Alani Guynot de Boismenu e Congregatione Missionariorum Sacratissimi Cordis Iesu, Archiepiscopi tit. Claudiopolitani olim Vicarii Apostolici Papuensis († 1870-1953)

DECRETUM SUPER VIRTUTIBUS

« Deus omnes homines vult salvos fieri et ad agnitionem veritatis venire »

( 1 Tim 2, 4).

Magisterium Ecclesiae de universali vocatione ad sanctitatem singulari

ratione vitae Servi Dei Alani Guynot de Boismenu, archiepiscopi, personat,

cuius episcopali insignis verba « Ut cognoscant » revera huiusmodi exprimunt

rationem et summam amplitudinem illam reddunt, quae universam eius

vitam signavit.

Ultimus natus e christiana familia undecim filiorum, Servus Dei Alanus

Guynot de Boismenu die 27 mensis Decembris anno 1870 Macloviopoli intra

fines dioecesis Rhedonensis in Gallia natus est et eodem die ad baptismalem

fontem regeneratus. Anno 1876, studia in Schola Municipali incepit Maclo-

viopoli a Fratribus Scholarum Christianarum directa ac dein apud Collegium

Presbyterorum ab Immaculata Conceptione prosecutus est. Missionaria ac

presbyterali vita raptus, Anxelloduni inter Missionarios Cordis Iesu accep-

tus est et anno 1887 novitiatum Antverpiae in Gallia Belgica ingressus.

Die 4 mensis Octobris anno 1888 hic vota temporanea emisit, ibidem per

biennium primum philosophiae et per triennium postea theologiae vacans

studiis, quos perfecit ultimum annum in vico vulgo Chezal-Benoît nuncupato

in Gallia degens. Die 10 mensis Februarii anno 1895, Avarici presbyteratu

auctus est. Officium exinde magistri Anxelloduni apud Scholam Apostolicam

exercuit et philosophiam demum in Schola vici Chezal-Benoît docuit.

Mense Septembris anno 1897, a Superioribus Congregationis missiona-

rius in Papuam Novam Guineam Servus Dei legatus est ibique Consiliarius

ac Provicarius Episcopalis et Superior Delegatus eiusdem missionis nomi-

natus. Ineunte ministerio, primitiae eius curarum summa sollicitudo sive

sacerdotum Fratrumque et Sororum fuerunt, qui illic dabant operam, sive

populorum indigenarum, qui eum revera tamquam hominem pacis studios-

simum habebant. Coadiutor Vicarii Apostolici Novae Guineae et Episcopus

titularis Gabalensis nominatus, die 18 mensis Martii anno 1900 Lutetiae

Parisiorum sollemniter ordinatus est. Ad Papuam reditus, navitates suas