428 Acta Apostolicae Sedis - Commentarium Officiale

custodia, moralis materialisque in alias familias, indigentiores potissimum,

communicatio, boni communis promovendi studium etiam per sociales inius-

tas structuras immutandas, initio a locis sumpto, ubi ipsa vivit, per miseri-

cordiae corporis spiritusque opera exercita ».310 Id intra christiani pretiosis-

simas persuasiones est locandum: scilicet Patris amorem qui nos sustentat

ac promovet, in toto Iesu Christi dono manifestatum, qui inter nos vivit,

unde omnes procellas omnesque vitae vicissitudines ferre coniuncti valeamus.

In corde etiam cuiusque familiae kerygma personare usquequaque debet,

opportune et importune, ut iter collustret. Omnes effari debemus, initium ab

anteacta vita nostris in familiis sumentes: « Et nos, qui credidimus, novimus

caritatem, quam habet Deus in nobis » ( 1Io 4, 16). Ab hac experientia tantum

incipiens, familiaris res pastoralis consequi poterit ut familiae sint Ecclesiae

domesticae ac simul fermentum apud societatem Evangelii nuntiandi.

caput octaVum

COMITARI, DISCERNERE ET FRAGILITATEM FULCIRE

291 Patres synodales edixerunt « Ecclesiam, licet omne dissolutum ma-

trimonii vinculum censeat Dei oppugnare voluntatem, consciam tamen esse

multorum filiorum suorum fragilitatis ».311 Oculis Christi illuminata, « Ecclesia

amanter incumbit in eos, qui ipsius vitam imperfecte participant, agnoscens

Dei gratiam etiam eorum in vitis operari iisque animum addens benefaciendi

alteriusque curae consulendi et communitati, apud quam vivunt et ope-

ram exercent, inserviendi ».312 Ceterum habitus hic corroboratur intra fines

Anni Iubilaris misericordiae dicati. Etiamsi perfectionem semper irroget

et in plenius responsum Deo devocet, « diligenter prompteque filios Eccle-

sia oportet comitetur fragiliores seu sauciato ac perdito amore dilaceratos

iisdemque fiduciam ac spem reddat novam, sicuti lucem phari in portu

facisve in medio populo advectae, quae eos illuminet qui de via deflectant

vel tempestate quatiantur ».313 Ne obliviscamur quidem opus Ecclesiae saepe

par esse actuositati valetudinarii castrensis.

310 Ibid., 93. 311 Rel Syn 2014, 24. 312 Ibid., 25. 313 Ibid., 28.